Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 427

३९०
जयन्तीप्रकरणवृत्तिः । गाथा २५।२६ ति च्चिय पुरिसा धन्ना कयपुन्ना जे जिइन्दिया हुन्ति । बज्झन्ति य भवफलए जे उण अक्खेहिं हीरन्ति" ॥६०॥ एएहिं सोएहिं पगईए नियविसममग्गेसु । हीरन्ता जडजीवा पडन्ति भवरुद्दजलहिम्मि ॥६१॥ इच्चाइ चिन्तिऊण राय नरसुन्दरो वि पुत्तस्स । दाउं रज्जं विहिणा काउं जिणसाहुपूयाइं ॥६२।। संवेगसमावन्नो अणसणपडिवत्तिसत्तिसमत्थेणं । हणिउण मोहरायं सग्गसिरिं वरइ लिलाए ॥६३॥ इय पञ्चिन्दियतुरए चवले दमिऊण सुद्धमग्गम्मि ।
गच्छन्ता सप्पुरिसा कमेण पाविन्ति सिद्धिपुरं ॥६४|| इति स्पर्शनेन्द्रियविषये अवन्तिनाथबन्धुमत्योः कथानकं समाप्तम् ॥
15
58 एवमादि प्रश्नोत्तरप्रदानप्रकारेण संशयान्धकारतिरस्काररविमण्डलनुकारेण सा जयन्ती श्राविका कमलिनीव प्रमोदतः कण्टकितवपुर्नाला विकस्वरवदनेक्षणयुगलकमलाश्रीमन्तं श्रीवर्धमानस्वामिनं जिनं प्रणम्य विज्ञप्तिकां कर्तुमारेभे
तिहुयणतारणसत्तं तुमम्मि करुणायरम्मि सम्पत्ते । भवसायरम्मि अज्ज वि न तीरपत्ता कहं होमि ? ॥१॥ ता काऊण पसायं आरोवेऊण जाणवत्तम्मि । चारित्तम्मि महायस ! खिप्पमहं नेसु सिद्धिपुरिं ॥२॥ इय विन्नत्तो भयवं संवेगपरव्वसाए सयमेव । सिग्घं वियरइ दिक्खं वीरजिणिन्दो जयन्तीए ॥३॥ "देवाणुप्पिए तुमए छज्जीवनिकायवच्छला दिक्खा । पालेयव्वा सम्म निच्चं चिय अप्पमत्ताए ॥४॥ दमियव्वा पञ्चिन्दियतुरया पगईए चञ्चलसहावा । आरूढा जेहिं जिया निज्जन्ति भवाडविवियडं ॥५॥ संसारम्मि सुसाणे पञ्चनमोक्कारमन्तजावेण । तह जइयव्वं चरणे मोहविसाओ छलइ न जहा ॥६॥
20
25