Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 428

जयन्ती प्रकरणवृत्तिः । गाथा २५।२६
कोहो दव्वु व जलिओ समियव्वो झत्ति उवसमजलेण । माणो महागिरिन्दो दलियव्वो विणयवज्जेण ॥७॥ मायावंसकुडंगी सिवपुरपहचरणरोहदुल्ललिया | आमूलं छित्तव्वा अज्जवपरसुप्पहारेण ॥८॥ लोहो जलही तुम सोसेयव्वो सयावि तोसेण । गरुणं कुंभुब्भवमहरिसिसरिसेण लीलाए" ॥९॥ इच्चाइ विविहसिक्खा सुहारसासारसित्तसव्वंगा । संवेगमुव्वहन्ती सा दिन्ना चन्दणज्जाए ||१०|| परिपालइ चारित्तं संसारसमुद्दतारणवहित्तं । धम्मज्झाणिक्करया महासई सा तह जयन्ती ॥ ११ ॥ निस्सेसकम्महरणं देवाणन्दा जहा तवच्चरणं । अकरिसुं तहा एसा कुणइ जयन्ती वि पइदियहं ॥ १२ ॥ का पुण देवाणंदा ? तवम्मि जा वहइ इह उदाहरणं । भन्नइ भरहे माहणकुण्डगामपुरं आसि ॥१३॥ तत्थासि उसभदत्तो महिड्डिओ पासनाहतित्थम्मि । सड्डो माहणवुड्डो जिणमयसन्नाणरयणड्डो ||१४|| गुणमणिरोहण धरणी देवाणन्दा य तस्स वरघरिणी । दुहं पिता जिणवरधम्मे सत्ताण सुहियाण ॥ १५॥ पडिबोहकरणेणं वीरजिणिन्दो सुरेहिं परियरिओ । अह अन्नया कयाई बहिरुज्जाणे समोसरिओ ||१६|| नाऊण जिणागमणं भत्तिभरुब्भिन्नबहलपुलयंगो । सव्वड्डी गच्छ वन्दणहेउं उसभदत्तो ॥ १७॥ अइरमणियरहेणं सव्वालंकारभूसियसरीरा । गच्छइ परियणसहिया देवाणन्दा वि साणन्दा ||१८|| दट्ठूणं ओसरणं ओयरियं रहवराओ तो दो वि । पंचविहाभिगमेणं पविसेउं तत्थ जिणनाहं ॥ १९ ॥
३९१
5
10
15
20
25