Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 421

- ३८४
जयन्तीप्रकरणवृत्तिः । गाथा २५।२६ इय निच्चं किज्जन्ते अणाहलोओ विणासिओ बहओ ।
नायमिमं मन्तीहिं विसूरियं तेहिं दुहिएहिं ॥१८॥ यत:
"स्वेच्छया कुरुते स्वामी यत् किञ्चन यतः ततः । तच्च प्रतिचिकीर्षन्तो दुःखं जीवन्ति मन्त्रिणः" ॥१९॥ तो तेहिं रायपुत्तो वुत्तो किं कुमर ! किज्जइ इयाणि ? । माणुसमंसे लुद्धो तुज्झ पिया रक्खसो जेण ॥२०॥ मारावइ पइदियहं नयरीए माणुसाइ सो रुद्दो । ता अम्हाणं पि भयं संजायं दारूणं इहि ॥२१॥ तुज्झ पसाएणं चिय मोक्खो अम्हाण नन्नहा होइ । तो कुमर ! रज्जमेयं पडिवज्जसु अप्पणा चेव ॥२२॥ देव ! तुमं कम्मवसा माणुसभक्खि त्ति रक्खसो जाओ । इह लिहियक्खरपत्तं वत्थऽञ्चलम्मि बन्धेत्ता ॥२३॥ पियरं च मज्जपाणपमत्तत्तं महाडवीमज्झे । परिचयसु नायतत्तो नागच्छह जेण नयरम्मि ॥२४॥ एवं च कए तुह पयच्छायासुहिणो वयं वसामो त्ति । मंतीहि इमं भणियं पडिवन्नं रायपुत्तेण ॥२५॥ सिग्घं चिय कयमेवं रन्ने बुद्धेण तेण राएण । वत्थञ्चलम्मि बद्धं दिटुं पत्तं तओ नायं ॥२६।। निव्वासिओ म्मि पुत्ताइएहिं एएण गरुयदोसेण । तो इत्थेव टिओऽहं पहियाइयं हणिस्सामि ॥२७॥ तत्थ ट्ठियन्तं सोच्चा पच्चासन्नाणि कइवि ट्ठाणाणि । मरणभएणं मिलिउं ट्ठियाणि एगम्मि ठाणम्मि ॥२८॥ तम्मि समए जहित्थं हिण्डइ देसालियाए वसुदेवो । एगागी देवउले सुत्तो तत्तो य सोदासो ॥२९॥ माणुसमंसे लुद्धो मत्तो भवियव्वयाए जुज्झन्तो । निहओ वसुदेवेणं छुरियागाढप्पहारेण ॥३०॥
15
20
25