Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 400

३६३
जयन्तीप्रकरणवृत्तिः । गाथा २४
एएण उज्जमेणं कह तुहं संसिज्जए ? जय एयं । वेयावच्चगरत्तं ? दुदइवदिन्नं कलंकं वा ॥३८॥ इच्चाइनीरसेहिं वयणेहिं तज्जिओ वि सुपसन्नो । सो नन्दिसेणसाहू मियमहुरं भणिउमाढत्तो ॥३९|| मुणिपुंगव धीर तुमं सम्मं पक्खालियम्मि अंगम्मि । पियसु जलं सीयमिणं आसत्थो होसु सोम ! तुमं ॥४०॥
आगच्छसु पुरमज्झे तुरियं चिय मज्झखन्धमारूढो । विज्जोवइट्ठपत्थोसहेहि लह लहसि आरोग्गं ॥४१॥ एवं महुरगिराए महुमहुराए भणिज्जमाणो वि । पक्खालियसव्वंगो जलपाणेणं विगयतण्हो ॥४२॥ कडुयं चिय जम्पन्तो आरूढो तस्स खन्धदेसम्मि । अइसयदुस्सहगन्धं वारंवारं मुयइ असुइं ॥४३।। कहमेस महाभागो सिग्घं आरुग्गभायणं होही । इय वच्छलपरिणामो चिन्तइ सो नन्दिसेणो वि ॥४४॥ कहमेस मुणी लहिही ? लहुं समाहिं महोसहीजोगा । कोवो सज्जणचरिओ विगिच्छओ सत्थओ होही ? ॥४५|| अच्छरियं तस्स दढं गिलाणदुव्वयतवणकिरणेहिं । उवसमपीउसरसं सिन्दइ फलिहुज्जलं चित्तं ॥४६॥ अह पुरवरअब्भासे ओहिन्नाणेण नन्दिसेणस्स । पिच्छइ सच्छं देवो माणसजलसच्छहं हिययं ॥४७|| तो पयडियनियरूवो देवो मणिमउडकुण्डलाहरणो । परितुट्ठमणो वन्दइ पयकमलं नन्दिसेणस्स" ॥४८।। "थुणइ य भत्तिभरेणं गुणमणिरोहणगिरिन्द ! मुणिराय । जयसि तुम जियसयलऽन्तरंगरिउवग्गमाहप्प ॥४९॥ अवि चलइ मेरुचूला समुद्दवेला वि चयइ मज्जायं । वेयावच्चपइन्ना तुह मुणिवर निच्चला सच्चं ॥५०॥
____25