Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 409

३७२
जयन्तीप्रकरणवृत्तिः । गाथा २५।२६
तद्यथा
"काले प्रसुप्तस्य जनार्दनस्य मेघान्धकारासु च शर्वरीषु । मिथ्या न जल्पामि विशालनेत्रे ! ते प्रत्यया ये प्रथमाक्षरेषु" ॥३३॥ तो दासीए अप्पइ सा वि य गन्तूण तयणु देवीए । देवी वि जाव जोयइ तम्मज्झे पिच्छए लेहं ॥३४॥ एगन्ते गन्तुणं वायइ देवी वि तो विचिन्तेइ । धीधी कामन्धयाण जीवाणमगोयरे गिद्धी ॥३५॥ पडिबोहेमि इमं पि य पडिलेहेण कडुक्खरेणाऽहं । जेणेसो पडिबुद्धो न हु लिप्पइ पावपंकेण ॥३६॥ इय चिन्तिऊण देवी अप्पइ पडिलेहगब्भिणं पुडियं । दासीए इय भणिउं महुगन्धाऽसुन्दरा अज्ज ॥३७।। सा वि य गच्छइ तुरियं तस्स समीवम्मि उस्सुयमणस्स । जम्पइ अज्ज सुअन्धा कहं ? न गन्धा भणइ देवी ॥३८॥ तेण वि भणियं एयं अन्नं गिन्हाहि गन्धपुडियं ति । तं घेत्तूणं हिट्ठा एसा दासी पडिनियत्ता ॥३९॥ वणियो महेसरो सो पुडियामज्झम्मि धारिणीलेहं ।
दणं परितुट्ठो वायइ उप्फुल्लमुहनयणो ॥४०॥ तद्यथा
"नेहलोके सुखं किञ्चित् छादितस्यांहसा भृशम् । मितं च जीवितं नृणां तेन धर्मे मतिं कुरु" ॥४१॥ तो अवगयलेहत्थो कामविहत्थो निरत्थयारम्भो । अट्टज्झाणपयट्टो हट्टवावारं पमुत्तूण ॥४२॥ देसन्तरम्मि गच्छइ कामगहगहियमाणसो कहवि । कत्थ वि रई न पावइ झायन्तो धारिणिं देवि ॥४३।। एगम्मि पुरे पिच्छइ विज्झामठसंट्ठियं उवज्झायं ।
चट्टाणमुवइसन्तं परमत्थं रायनीईयं ॥४४॥ "न शक्यं त्वरमाणेन प्राप्तुमर्थान् सुदुर्लभान् । भार्यां च रूपसम्पन्नां शत्रूणां च पराजयम् ॥४५॥
15
20
25
तद्यथा