Jayantiprakaranvrutti

Author(s): Malayprabhsuri, Chandanbalashreeji
Publisher: Shrutgyan Prasarak Sabha

Page 399

३६२
10
जयन्तीप्रकरणवृत्तिः । गाथा २४ सोहम्मसुरिन्देण ओहिन्नाणेण नायगुणविन्दो । साणन्देण सुराणं मज्झम्मि पसंसिओ एवं ॥२५॥ हं भो सुणन्तु देवा वेयावच्चम्मि नन्दिसेणमुणी । निच्चलचित्तो कहमवि चालिज्जइ नेव देवेहि ॥२६।। एवं सुरिन्दवयणं एगो सोऊण तियसवरनाहो । आगन्तूण विउव्वइ मुणिरूवं रोगगणगहियं ॥२७॥ नगरस्सन्तो पविसइ रूवेण तेण साहुवसहीए। गन्तूण भणइ भो भो को तुम्हं नन्दिसेणो त्ति ? ॥२८॥ साहहिं दंसिओ सो उवइट्रो छट्पारणे कवलं । भणिऊण नमोक्कारं गिन्हन्तो पाणिकमलेणं ॥२९॥ मुणिरूवसुरेणेसो तो वुत्तो तेण आसुरुत्तेणं । वेयावच्चकराहम ! तुमं सि अप्पम्भरी चेव ? ॥३०॥ न कुणसि निग्घिण ! जेणं गिलाणमुणिपुंगवस्स पडियरणं । इइ सोच्चा तव्वयणं मए न नायंति भणिऊण ॥३१॥ मोत्तूण पाणिकवलं उट्ठइ तो नन्दिसेणमुणिसीहो । पुच्छइ कत्थ गिलाणो चिट्ठइ रोगेण केणत्तो ? ॥३२॥ मुणिवेसेण सुरेणं वुत्तमईसारिपीडिओ बाहिं । चिट्ठइ विठ्ठालित्तो तण्हासुक्ककण्ठुट्ठो ॥३३॥ तो नन्दिसेणसाहू तुरियं परिभमइ नयरमज्झम्मि । फासुयजलगहणत्थं देवो पुणऽणेसणं कुणइ ॥३४।। परिभूयदिव्वसत्ती तवप्पभावेण गहियसुद्धजलो । सुरदंसियमग्गेणं उज्जाणे जाइ हिट्ठमणो ॥३५॥ तो तेण गिलाणेणं वोत्तो पाविट्ठ निट्ठरमणो सि ? । उयरभरणिक्करसिओ वसिओ न गुरूण पयमूले ॥३६॥ नाए वि गिलाणत्ते आगाढे मज्झ कालक्खेवेण । जमिहागओ सि? निद्दय ! तमऽगीयत्थो असंविग्गो ॥३७॥
15