Book Title: Jayantiprakaranvrutti
Author(s): Malayprabhsuri, Chandanbalashreeji
Publisher: Shrutgyan Prasarak Sabha
________________
३४८
10
जयन्तीप्रकरणवृत्तिः । गाथा २२ एसो विन्नवइ तओ भयवं ! मूलम्मि अज्जवयराण । आइट्ठ म्हि गुरूहिं पढणत्थं दिट्ठिवायस्स ॥३६।। जुत्तमिणं किन्तु इहं, अम्हाणं उत्तमट्ठकप्पमिमं । पडिवज्जिउकामाणं तुब्भे निज्जामगा होइ ॥३७।। आएसु त्ति भणित्ता विहिणा निज्जामिआ तओ तेहिं । भिन्नवसहीए तुमए पढियव्वं रक्खिओ भणिओ ॥३८॥ गच्छइ कमेण पासे दसपुव्वधराण अज्जवयराण । रयणीए पुरबाहिं वसिओ भिन्नाए वसहीए ॥४०॥ पिच्छन्ति अज्जवइरा पभायसमयम्मि सुमिणयमम्हं । पत्तम्मि पयं पीयं आएसेणं न सव्वं तु ॥४१॥ जागरिएहिं सुमिणे कहिए अन्नन्नफलवियारम्मि । साहूहि कए वयरा गुरूणो जम्पन्ति परमत्थं ॥४२॥ पाडिच्छओ अवस्सं को वि कुओ आगमिस्सइ पभाए । सो पढिस्सइ सुत्तं अचिरेणं न उ असेसं पि ॥४३॥ एवं ति मुणिवरेहिं पडिस्सुयं सुत्तपोरसिसमए । निस्सीहिं कुणन्तो समागओ रक्खिओ तयणु ॥४४॥ वन्दन्तो विहिपुव्वं आलविओ अज्जवयरसामीहिं । किं रक्खिओ सि ? कत्तो केणत्थेणऽत्थ सम्पत्तो ? ॥४५॥ आमं ति भणेऊणं भणइ इमो दिट्टिवायगहणत्थं । तोसलिपुत्तगुरूहि आइट्ठो तुम्ह पासम्मि ॥४६॥ अज्जवयरेहि भणिओ कहं ट्ठिओ नयरबाहिरवसहीए ? । इइ वोत्ते सो भणिओ पढियव्वं होइ किं एवं ? ॥४७॥ तेणुत्तं जे तुब्भे भणह तहा तं ति किन्तु आइटुं । भिन्नवसहीए ट्ठाणं पुज्जेहिं भद्दगुत्तेहिं ॥४८॥ सुगुरूणं आएसे अवस्समिह कारणेण होयव्वं । उवउत्तेहिं तेहिं तत्तो जुत्तं ति संलत्तं ॥४९।।
20
25
Jain Education International 2010_02
For Private & Personal Use Only
www.jainelibrary.org
Page Navigation
1 ... 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462