Book Title: Jayantiprakaranvrutti
Author(s): Malayprabhsuri, Chandanbalashreeji
Publisher: Shrutgyan Prasarak Sabha
________________
३३४
जयन्तीप्रकरणवृत्तिः । गाथा १४।१५।१६।१७।१८ तो सूरिणा वि वुत्तं राय तुमं मित्तभावपडिवन्नो ।
तेण तुह निटूररुई न सम्मदिट्ठिपहं एइ ॥१४॥ अन्नं च
पडिपुन्नकलो राया ईसरपणओ न होइ कइया वि । सहगुरुतेओ किं पुण करेइ सयं वरज्जोयं ॥१५॥ कुडलिप्पकलो राया तुमं व पुण होइ उग्गजडपणओ । पुन्नकलो वि न राया तुमए पडिबोहिओ को वि ॥१६॥ एवं निवेण भणिए सूरि पडिभणइ अन्नरज्जम्मि । अणुमन्नसु मं सम्पइ गच्छन्तं रायबोहत्थं ॥१७॥ इय सूरिवरेणुत्ते राया रज्जन्तरम्मि गच्छन्तं । अणुमन्नइ सिग्धं चिय साणन्दं बप्पहट्टिगुरुं ॥१८॥ गोवगिरिनामदुग्गा विणिग्गओ बप्पहट्टिसूरी वि । अणुकूलसद्दमंगलसउणसउच्छाहपरिणामो ॥१९॥ देसे सवायलक्खे सयंभरी दिव्वपुरवरी अत्थि । तीए बप्पइराओ राया भवणम्मि विक्खाओ ॥२०॥ रायस्स जस्स गुरुबहुकविमंडलसूरपरिचियमहस्स । अच्छेरं तु सयंवरसविहवियारो न संजाओ ॥२१॥ मुत्ताहलविमलाइं गुणाणुविद्धाइं जस्स कव्वाइं । कंठम्मि कविन्देहिं साणन्देहि धरिज्जन्ति ॥२२॥ अह तम्मि पच्छिमवए लोइयधम्माणरत्तचित्तम्मि । अंगीकयसन्नासे देवयगुरुपूयणब्भासे ॥२३॥ दिज्जन्ति य दाणाइं तहा कहिज्जन्ति रिसिकहाणाई । विरइज्जइ कुससयणं पसरइ वेयाणमज्झयणं ॥२४॥ संतर[स]सिञ्चियविबुहा कुणन्ति कव्वाइं भव्वनव्वाइं । मोक्खम्मि चेव कंक्खा तिवग्गअग्गेसरे होइ ॥२५॥ गयणि व्व तम्मि गरुए कविबुहदियरायगुरुपहापसरे । सिरिबप्पहट्टिसूरी तत्तो पत्तो दिणयरु व्व ॥२६।।
15
20
25
Jain Education International 2010_02
For Private & Personal Use Only
www.jainelibrary.org
Page Navigation
1 ... 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462