________________
प्रतिपत्तिः-३, दीव०
२०३
-: "वनखण्ड" अधिकारःमू. (१६४) तीसे गंजगतीए उप्पिं बाहिं पउमवरवेइयाए एत्थणंएगे महं वनसंडे पन्नत्ते देसूणाई दो जोयणाइं चक्कवालविक्खंभेणं जगतीसमए परिक्खेवेणं, किण्हे किण्होभासे जाव अनेगसगडरहजाणजुग्गपरिमोयणे सुरम्मे पासातीए सण्हे लण्हे घटे मढे नीरए निप्पंके निम्मले निक्ककडच्छाए सप्पभे समिरीए सउज्जोए पासादीए दरिसणिज्जे अभिरुवे पडिरूवे ।
___ तस्सणंवनसंडस्सअंतोबहुसमरमणिजे भूमिभागे पन्नतेसेजहानामए-आलिंगपुक्खरेति वा मुइंगपुक्खरेति वा सरतलेइ वा करतलेइ वा आयंसमंडलेति वा चंदमंडलेति वा सूरमंडलेति उरभचम्मेति वा उसभचम्मेति वा वराहचम्मेति वा सीहचम्मेति वा वग्घचम्मेति वा विगचम्मेति वादीवितचम्मेति वाअनेगसंकुकीलगसहस्सवितते आवडपच्चावडसेढीपसेढीसोत्थियसोवत्थियपूसमाणवद्धमाणमच्छंडकमकरंडकजारमारफुल्लावलिपलमपत्तसागरतरंगवासंतिल यपउमलयभत्तिचित्तहिं सच्छाएहिं समिरीएहिं सउजोएहिं नानाविहपंचवण्णेहिं तणेहि य मणिहि य उवसोहिए तंजहा-किण्हेहिं जाव सुक्कल्लेहिं।।
तत्थ णं जे ते किण्हा तणा य मणी य तेसि णं अयमेतारूवे वण्णावासे पन्नत्ते, से जहानामए-जीमूतेति वा अंजणेति वा खंजणेति वा कज्जलेति वा मसीइ वा गुलियाइ वा गवलेइ वा गवलगुलियाति वा भमरेति वा भमरावलियाति वा भमरपत्तगयसारेति वा जंबुफलेति वा अद्दारिद्वेति वा पुरिपुट्ठए (ति) वा गएति वा गयकलभेति वा कण्हसप्पेइ वा कण्हकेसरेइ वा आगासथिग्गलेति वा कण्हासोएति वा किण्हकणवीरेइ वा कण्हबंधुजीवएति वा, भवे एयासवे सिया?, गोयमा! नो तिणढे समझे, तेसिणं कण्हाणं तणाणं मणीण य इत्तो इठ्ठयराए चेव कंततराए चेव पिययराए चेव मणुण्णतराए चेव मणामतराए चेव वण्णेणं पन्नत्ते।
तत्थणंजेतेनीलगा तणायमणीयतेसिणंइमेतारूवेवण्णावासेपन्नत्ते, सेजहानामएभिंगेइ वा भिंगपत्तेति वा चासेति वा चासपिच्छेति वा सुएति वा सुयपिच्छेति वा नीलीति वा नीलीभेएति वा नीलीगुलियाति वा सामाएति वा उच्चंतएति वा वनराईइ वा हलहरवसमेइ वा मोरग्गीवाति वा पारेवयगीवाति वा अयसिकुसुमेति वा अंजणकेसिगाकुसुमेति वा नीलुप्पलेति वा नीलासोएति वा नीलकणवीरेति वा नीलबंधुजीवएति वा, भवे एयारूवे सिता ?, नो इणढे समढे तेसिणंनीलगाणंतणाणंमणीण य एत्तोइतराए चेव कंततराए चेवजाव वण्णेणंपन्नते।
तत्थ जे ते लोहितगा तणा य मणी य तेसि मं अयमेयारूवे वण्णावासे पन्नत्ते, से जहानामए-ससकरुहिरेति वा उरब्भरुहिरेति वा नररुहिरेति वा वराहरुहिरेति वा महिसरुहिरेति वा बालिंदगोवएति वा बालदिवागरेति वा संझब्भरागेति वा गुंजद्धराएति वा जातिहिंगुलुएति वा सिलप्पवालेति वा पवालंकुरेति वा लोहितक्खमणीति वा लक्खारसएति वा किमिरागेइ वा रत्तकंबलेइ वा चीणपिट्ठरासीइ वा जासुयणकुसुमेइ वा किंसुअकुसुमेइ वा पालियाइकुसुमेइ वा रत्तुप्पलेति वा रत्तासोगेति वा रत्तकणयारेति वा रत्तबंधुजीवेइ वा, भवे एयारूवे सिया?, नो तिणढे समढे, तेसि मंलोहियगाणंतणाण यमणीण य एत्तो इतराए चेव जाव वण्णेणंपन्नते।
तत्थ णं जे ते हालिद्दगा तणा य मणी य तेसि णं अयमेयारूवे वण्णावासे पन्नत्ते, से जहानामए-चंपए वा चंपगच्छल्लीइ वा चंपयभेएइ वा हालिदाति वा हालित्तभेएति वा
For Private & Personal Use Only
Jain Education International
www.jainelibrary.org
