Agam 06 Nayadhammakahao Angsutt 06 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 91

८२
नापापम्पकहामो - 9/14/९३ विदेह-जणवयं मझमझेणं जेणेव देसागं तेणेव खंधावारनिवेसं करेइ करेत्ता जियसत्तुपामोक्खा छप्पि य रायाणो पडिवालेमाणे जुन्झसज्जे पडिचिट्ठइ तए णं ते जियसत्तुपामोक्खा छप्पि रायाणो जेणेव कुंभए राया तेणेव उवागच्छंति उवागच्छित्ता कुंभगएणं रण्णा सद्धिं संपलग्गा यावि होत्या तए णं ते जियसत्तुपामोक्खा छप्पि रायाणो कुंभयं रायं हय- महिय- पवरवीर- धाइय- विवडिचिंध-धय-पडागं किच्छोवगयपाणं दिसोदिसिं पडिसेहेति ते णं से कुंभए जियसत्तुपामोखेहिं छहिं राईहिं हय-महिय-(पवरवीर-घाइयविवडियचिंधधय-पडागे किच्छोवगयपाणे दिसोदिसि पडिसेहिए समाणे अत्थामे अबले अवीरिए अपुरिसक्कारपरक्कमे अघार-णिज्जमिति कट्ट सिग्धं तुरियं [चवलं चंडं जइण] वेइयं जेणेव मिहिला तेणेव उवागच्छइ उवागच्छित्ता मिहिलं अनुपविसइ अनुपविसित्ता मिहिलाए द्वाराई पिहेइ पिहेत्ता रोहसने चिट्ठइ तए णं ते जियसतुपामोक्खा छप्पि रायाणो जेणेव मिहिला तेणेव उवागच्छंति उवागछित्ता मिहिलं रायहाणं निस्संचारं निरुच्चाएं सव्वओ समंता ओरुभित्ता णं चिटुंति तए णं से कुंभए राया मिहिलं रायहाणि ओरुद्धं जाणित्ता अभितरियाए उवट्ठाणसालाए सीहासणवरगए तेसिं जियसत्तुपामोक्खाणं छण्हं राईणं अंतराणि य छिद्दाणि य विवराणि य मम्माणि य अलभमाणे बहूहिं आएहिं य उवाएहि य उप्पत्तियाहिं य वेणइयाहिं य कम्मयाहि य पारिणापियाहि य-बुद्धीहि परिणामेमाणे-परिणामेमाणे किंचि आयं वा उवायं वा अलभमाणे ओहयमणसंकप्पे करतलपल्हत्थमुहे अट्टज्झाणोवगए शिपायइ
इमं च णं मल्ली विदेहरायवरकना पहाया [कयवलिकामा कयकोउयमंगलपायच्छित्ता सव्वालंकारविभूसिया] बहूहिं खुजाहिं संपरिवुडा जेणेव कुंभए तेणेव उवागच्छइ उवागच्छित्ता कुंभगस्स पायग्गहणं करेइ तए णं कुंभए मल्लिं विदेहरायवरकत्रं नो आढाइ नो परियाणाइ तुसिणीए संचिट्ठइ तए णं मल्ली विदेहरायवरकत्रा कुंभग एवं वयासी-तुडधे णं ताओ अण्णया मर्म एजमाणिं [पासित्ता आढाह परियाणाह अंके निवेसेह इयाणि ताओ तुब्भे मर्म नो आढाह नो परियाणाह नो अंके निवेसेह किण्णं तुभं अन ओहय (मणसंकप्पा करतलपल्हत्थमुहा अट्टज्झाणोवगया] झियायह तए णं कुंभए मल्लि विदेहरायवरकन्नं एवं वयाप्ती-एवं खलु पुत्ता तव कन्जे जियसतुपामोक्रेहिं छहिं राईहिं दूया संपेसिया ते णं मए असक्कारियं असम्माणिय अवद्दारेणं] निच्छूढा तए णं जियसत्तुपामोक्खा छप्पि रायाणो तेसिं दूयाणं अंतिए एयमटुं सोचा परिकुचिया सपाणा मिहिलं रायहाणि निस्संचारं [निरुचारं सचओ समंता ओरुभित्ता णं] चिट्ठति तए णं अहं पुत्ता तेसि जियसत्तुपामोक्खाणं छण्हं राईणं अंतराणि य छिद्दाणि य विवराणि य मम्माणि य अलभमाणे जाव अज्झाणोवगए झियामि तए णं सा मल्ली विदेहरायवरकत्रा कुंभाग रायं एवं वयासी-माणं तुडभे ताओ ओहयमणसंकप्पा [करतलपल्हत्यमुहा अट्टल्झाणोवगया] झियायह तुटभे णं ताओ तेसिं जियसत्तुपामोवक्खाणं छण्हं राईणं पत्तेयं-पत्तेयं रहस्सिए दूयसंपेसे करेह एगमेगं एवं वयह-तव देमि मल्लिं विदेहरायवरकत्रं ति कट्ट संझकालसमयंसि पविरल-मणूसंसि निसंतपडिनिसंतंसि पत्तेयं पतेयं मिहिलं रायहाणि अनुप्पवेसेह अनुप्पवेसेत्ता गब्मधरएसु अनुप्पवेसेह अनुप्पवेसेत्ता मिहिलाए रायहाणीए दुवाराई पिहेह पिहेत्ता रोहासजा चिट्ठह तए णं कुंभए [तेसिं जियसत्तुपामोक्खाणं छपहं राईणं पत्तेयं पत्तेयं रहस्सिए दूयसंपेसे करेइ जाव रोहास चिट्ठइ तए णं ते जियसत्तुपामोक्खा छप्पि रायाणो कलं पाउप्पमायाए रयणीए जाव उडिवम्पि सूरे सहस्सरस्सिम्मि दिणयरे तेयसा जलंते जालंतरेहिं कणगमई पत्ययछिएं पउमुप्पल-पिहाणं पडिमं