Adhyatmana Panthni Yatra

Author(s): Atmanandji Maharaj
Publisher: Shrimad Rajchandra Sadhna Kendra Koba

Page 13

આધ્યાત્મ પંથની યાત્રા
બીજી આવૃત્તિ વેળાએ............ ઈ. સ. ૧૯૮૦ માં આ પુસ્તકની પહેલી આવૃત્તિ પ્રકાશિત થઈ હતી. તે સમયે મુમુક્ષુ ભાઈશ્રી જયંતિભાઈ પોપટલાલ શાહે આ પ્રકાશન માટે ખૂબ પ્રેમપરિશ્રમ અને ઉત્સાહ દાખવ્યા હતાં. દુર્ભાગ્યવશ, તેઓને કેન્સરની બીમારી તે જ અરસામાં લાગુ પડી અને તેઓનું શાંતિપૂર્વક દેહાવસાન થયું.
પરમકૃપાળુ શ્રીમદ્ રાજચંદ્રજીના ચાર અગત્યના પત્રો ઉપર કરેલી વિચારણા અને મૂળ પત્રો આ આવૃત્તિમાં પ્રથમ આવૃત્તિની માફક જ પ્રકાશિત કર્યા છે. તેથી આ પુનર્મુદ્રણ જ ગણી શકાય.
ભવિષ્યમાં, સમયની અનુકૂળતાએ, “શ્રીમદ્ રાજચંદ્ર' ગ્રંથના બીજા પણ કેટલાક પત્રોનું વિવેચન થાય તો સાધક-મુમુક્ષુઓને તે ગહન વચનો સમજવામાં સરળતા પડે, એવી ભાવના ભાવીને મુમુક્ષુઓના કરકમળમાં આ પુનર્મુદ્રણરૂપ આવૃત્તિ સમર્પણ કરીએ છીએ અને તેઓની મુમુક્ષતા વર્ધમાન થઈ આત્મજ્ઞાનપ્રાપ્તિમાં આ આલેખન ઉપકારી બનો તેવી ભાવના ભાવીએ છીએ.
સાહિત્ય પ્રકાશક સમિતિ, શ્રીમદ્ રાજચંદ્ર આધ્યાત્મિક સાધના કેન્દ્ર,
કોબા.