________________
આર્થિક પ્રવૃત્તિ
: જન્મની સાથે જ આર્થિક પ્રવૃત્તિ શરૂ થાય છે અને મરતાં સુધી તે ચાલે છે. વ્યક્તિને જીવવા માટે કોઈને કોઈ આર્થિક પ્રવૃત્તિ તો કરવી જ પડે છે. મનુષ્યને દેહ છે, ઈદ્રિય છે, મન છે. એ બધાંને ટકાવી રાખવાને માટે, અથવા તો બીજા શબ્દોમાં કહીએ તે એમની પાસેથી સારી રીતે કામ લેવાને અને એ દ્વારા વિકાસ સાધવાને માટે, એમની જરૂરિયાતો સંતોષવી પડે છે. એટલે જ આર્થિક પ્રવૃત્તિ પ્રત્યેક મનુષ્ય માટે અનિવાર્ય છે. .
બાલ્યકાળમાં કે વૃદ્ધાવસ્થામાં આપણે તે કરતા નથી તેને અર્થ એ નથી કે આપણને બધી વસ્તુઓ એમની એમ મળે. આપણે જે કાંઈ ઉપયોગમાં લઈએ છીએ તેને માટે આપણું માબાપ, સમાજ કે સગાંસ્નેહીઓને આર્થિક પ્રવૃત્તિ કરવી પડી જ હોય છે. બાલ્યકાળમાં જે પ્રશ્ન ખડે થયો નથી હોતો, તે પ્રશ્ન ગૃહસ્થજીવનમાં પગ માંડતાં જ આપણી સામે આવીને ઊભો રહે છે. આજે તો એવી કટોકટીના કાળમાંથી આપણે પસાર થઈ રહ્યા છીએ કે આખો દિવસ મહેનત કરવા છતાં પોતે પોતાનું જ ભરણપોષણ મુશ્કેલ બની ગયું છે. તે વખતે જે બીજા એકબેની જવાબદારી માથે આવી જાય, તે ગૃહસ્થજીવન
