________________
૯૬
- સૂત્રસંવેદના-૫
ઉપદ્રવને દૂર કરવા પ્રયત્ન કરે છે; જ્યારે લાગે કે આ ભયનું નિવારણ મારાથી શક્ય નથી ત્યારે કોઈ દૈવી શક્તિની સહાય લઈ ભય દૂર કરવા યત્ન કરે છે.
આ સ્તવની રચના થઈ ત્યારે આવો જ એક પ્રસંગ બન્યો હતો. આખી તક્ષશિલા નગરી વ્યંતરકત ઉપદ્રવથી ભયભીત બની હતી. મારીનો રોગ એટલી હદે પ્રસરી ગયો હતો કે સૌની સમાધિ નંદવાતી હતી અને સંઘનું હિત જોખમમાં મુકાયું હતું. આવા સમયે સંઘના હિતચિંતક તવકાર પરમ પૂજ્ય માનદેવસૂરીશ્વરજી મહારાજાએ જયાદેવીને ઉદ્દેશીને કહ્યું હતું. કે, . .
કર્મના ઉદયથી તક્ષશિલા નગરી આજે રોગથી ગ્રસ્ત બની છે. વ્યંતરના ઉપદ્રવથી ત્યાના શ્રાવકોનું જીવન જોખમમાં છે. સંઘની આરાધના આજે વિઘ્નોના વાદળોથી ઘેરાઈ ગઈ છે. હે દેવી ! આ સંઘનું રક્ષણ કરવું તે આજે તમારું કર્તવ્ય છે. તમે શીધ્ર તક્ષશિલા નગરે પહોંચી જાવ ! વ્યંતરના ઉપદ્રવને શાંત કરે ! ભયભીત થયેલા સંઘને તમે શીધ્ર નિર્ભય કરો ! કોઈપણ રીતે તમે સંઘનું રક્ષણ કરે ! સંઘની સુરક્ષાની આ જવાબદારી તમે યથાયોગ્ય રીતે પૂર્ણ કરો !”
આવી જ રીતે હવે સ્તવકાર શ્રી વિજયાદેવીને વિવિધ મંત્રાક્ષરોથી ગર્ભિત પ્રેરણા કરતાં કહે છે :
સુશિવં કુરુ - કલ્યાણ કરો, કલ્યાણ કરો ! “હે જયા દેવી ! આપ શ્રી સંઘને ભયમુક્ત કરો. એટલું જ નહિ, પરંતુ શ્રીસંઘનું કલ્યાણ પણ કરો ! ધર્મ માર્ગમાં આવતા વિદ્ગોને આપ દૂર કરો અથવા કોઈપણ ઉપદ્રવ ન આવે તેવા સંયોગોનું નિર્માણ કરો. જેના કારણે શ્રીસંઘ નિર્ભય થઈ શ્રેયના માર્ગે અધિક વેગથી આગળ વધી શકે.”
શાન્તિ ૦ ૩ - અને શાંતિ કરો ! શાંતિ કરો ! .
“ક્યારેક સંઘમાં કોઈ પ્રકારનો ઉપદ્રવ થાય ત્યારે હે દેવી! તમે ત્યાં પહોંચી જાઓ. ઉપદ્રવકારક દુષ્ટ દેવોને પલાયન કરી તે નગર આદિમાં શીધ્ર શાંતિ કરો.”
સતિ તુષ્ટિ ગુરુ ગુરુ - સદા આ પ્રમાણે તુષ્ટિ કરો ! તુષ્ટિ કરો !
તુષ્ટિ એટલે સંતોષ. “શ્રી સંઘને સાધના માટે જે વાતાવરણ કે સામગ્રીની જરૂર હોય, આરાધના માટેના જે જે ઉપકરણોને તેઓ ઇચ્છતા હોય, તે અર્પણ કરી શ્રી સંઘને સંતોષ થાય, તેમનું મન પ્રસન્ન થાય તે પ્રકારે હે દેવી ! તમે શીઘ કરો, શીધ્ર કરો...”
