________________
સકલતીર્થ વંદના
10
આજથી લગભગ ૮૩ લાખ પૂર્વ થી અધિક સમય પૂર્વે આ વીશ તીર્થંકરોનો જન્મ મહાવિદેહક્ષેત્રોની જુદી જુદી વિજયોના રાજકુળમાં થયો હતો. ત્યારે ભરતક્ષેત્રમાં ૧૭મા શ્રી કુંથુનાથ અને ૧૮મા અરનાથ ભગવંતની વચ્ચેનો કાળ વર્તતો હતો. તેઓના ચ્યવન સમયે માતાને ૧૪ સ્વપ્નોનું દર્શન, જન્મ થતાં છપ્પન દિક્કુમારિકાઓ દ્વારા જન્મમહોત્સવ અને પછી અસંખ્ય દેવો દ્વારા મેરુપર્વત ઉપર જન્માભિષેક થયેલો. તેઓ ૮૩ લાખ પૂર્વના થતાં, જ્યારે આપણા ભરતમાં ૨૦મા શ્રી મુનિસુવ્રતસ્વામી ભગવાનનું શાસન ચાલતું હતું ત્યારે તેમની દીક્ષા થઈ હતી. ત્યારપછી ઉગ્ર ચારિત્રનું પાલન કરતાં ૧૦૦૦ વર્ષ પસાર થયા પછી ઘનઘાતિકર્મનો નાશ કરી આ વીશે તીર્થંકરોને કેવળજ્ઞાન પ્રાપ્ત થયું હતું. ત્યારપછી અષ્ટ પ્રાતિહાર્ય, સમવસરણની રચના આદિથી શોભતા આ વીશે તીર્થંકરોએ ૮૪ મહાત્માઓને ત્રિપદી આપી, જેના આધારે તેઓશ્રીએ દ્વાદશાંગીની રચના કરી અને પ્રભુએ તેમને ગણધર પદ પર સ્થાપ્યા હતા. આ વીશ વિહરમાન જિનના પરિવારમાં ૮૪ ગણધરો અને ૧૦,૦૦,000 (દસ લાખ) કેવળજ્ઞાની મુનિઓ તથા ૧ અબજ સાધુ-સાધ્વીજી ભગવંતો હોય છે.
આ પદ બોલતાં તે વીંશે પરમાત્માઓને યાદ કરવાના છે. તે સાથે જ મનમાં સુવર્ણકમળ પર પદન્યાસ કરતા. પ્રભુજી વિચરે છે, માથે છત્ર છે, સાથે ચામરધારી દેવતાઓ આદિ અલૌકિક ઋદ્ધિ સમૃદ્ધિ અને અનેક ગણધરો, સાધુ, સાધ્વી, કેવળીભગવંતો, શ્રાવક, શ્રાવિકાનો પરિવાર છે. આ બધું સ્મૃતિપથ ઉપર ઉપસ્થિત કરી વીશ વિહરમાન ભગવંતોને, ૧૬૮૦ ગણધર ભગવંતને, ૨,૦૦,00,000 (બે કરોડ) કેવળજ્ઞાની ભગવંતોને, ૨૦ અબજ સાધુ-સાધ્વીને, ભાવપૂર્વક બે હાથ જોડી વંદન કરવાના છે.
૨૫૫
આ બધા તીર્થંકરોનો દેહ સુવર્ણવર્ણનો અને દેહનું પ્રમાણ ૫૦૦ ધનુષનું હોય છે. તેમનું ચ્યવન કલ્યાણક
૭ અષાઢ વદ ૧
- ચૈત્ર વદ ૧૦
• ફાગણ સુદ ૩
જન્મ કલ્યાણક દીક્ષા કલ્યાણક કેવળજ્ઞાન કલ્યાણક - ચૈત્ર સુદ ૧૩ નિર્વાણ કલ્યાણક
• શ્રાવણ સુદ ૩ના હોય છે.
10. ૧ પૂર્વ = ૭૦૫૬૦ અબજ વર્ષ
