________________
સકલતીર્થ વંદના
૨૫૭
સ્થાવરતીર્થોને વંદન્ન કર્યા પછી હવે અંતમાં જંગમતીર્થને વંદના કરતાં જણાવે છે. ૨. સાધુભગવંતોને વંદના :
અઢીદ્વીપમાં જે અણગાર, અઢાર સહસ શીલાંગના ધાર, પંચમહાવ્રત સમિતિ સાર, પાળે પળાવે પંચાચાર II૧૪l. બાહ્ય અત્યંતર તપ ઉજમાલ, તે મુનિ વંદું ગુણમણિમાલ, નિતનિત ઊઠી કીર્તિ કરું, જીવ કહે ભવ-સાયર તરું /૧૫ ગાથાર્થ :
અઢીદ્વીપમાં જે સાધુઓ અઢાર હજાર શીલાંગરથને ધારણ કરનારા છે, પાંચ મહાવ્રત, પાંચ સમિતિ તથા પંચાચારને સ્વયં પાળનારા છે અને બીજાઓની પાસે પણ પળાવનારા છે, તથા જેઓ બાહ્ય અને અત્યંતર તપમાં ઉદ્યમશીલ છે, તેવા ગુણરૂપી રત્નોની માળાને ધારણ કરનારા મુનિઓને હું વંદન કરું છું. જીવ અર્થાત્ શ્રી જીવવિજયજી મહારાજ કહે છે કે, નિત્ય પ્રાત:કાળમાં ઊઠીને આ બધાનું કીર્તન કરવા દ્વારા હું ભવસાગર તરી જઈશ. વિશેષાર્થ :
સુવિશુદ્ધ સંયમને ધારણ કરનાર સાધુ-સાધ્વીજી ભગવંતો સ્વયં સંસાર સાગરથી તરે છે અને અન્યને તરવામાં સહાયક બને છે. માટે તેઓ પણ તીર્થ કહેવાય છે. વળી, સાધુભગવંતો સ્વ-પરના કલ્યાણ માટે ભગવાનની આજ્ઞા અનુસાર એક સ્થાનથી બીજા સ્થાનમાં વિહાર પણ કરે છે માટે તેઓ જંગમ તીર્થ કહેવાય છે. ' - સાધુ મહાત્માને પોતાનું કહી શકાય એવું કોઈ મકાન નથી હોતું. તેથી મમતાનો સર્વથા ત્યાગ કરનાર આ અગાર (ઘર) વિનાના મહાત્માઓને અણગાર કહેવાય છે.
મોક્ષનગરે સુખેથી પહોંચાડી શકે એવો રથ એટલે સંયમ, આ સંયમરૂપી રથના ૧૮૦૦૦ અંગો હોય છે. તે અંગોને જે સારી રીતે જાળવે તેનો રથ. વેગથી ચાલે અને જલ્દી મોશે પહોંચી જાય. સાધુ મહાત્માઓ સુવિશુદ્ધ રીતે
