________________
સકલતીર્થ વંદના
૨પ૧
જલકુંડમાં વિસર્જિત કરી. દિવ્ય પ્રભાવથી તે પ્રતિમા અખંડ અને મજબુત બની ગઈ. પ્રતિમાના પ્રભાવે તે સરોવરનું પાણી પણ અખૂટ અને નિર્મળ રહેવા લાગ્યું. એકવાર આ કુંડના પાણીનો ઉપયોગ કરવાથી એલિચલપુરના (બીંગલપુરના) શ્રીપાળ રાજાનો કોઢ રોગ દૂર થયો. આ આશ્ચર્યકારક ઘટનાથી શ્રીપાળ રાજાને લાગ્યું કે, “આ સરોવરમાં કાંઈક પ્રભાવ છે'. આરાધના કરતાં અધિષ્ઠાયક દેવે રાણીને સ્વપ્નમાં જણાવ્યું કે આ કુંડમાં ભાવિઝન શ્રી પાર્શ્વનાથ ભગવાનની મૂર્તિ છે. તમે તે પ્રતિમાને બહાર કાઢી સાત દિવસના વાછરડાથી જોડેલ રથમાં બેસાડી તમે સ્વયં સારથિ બનીને સારા સ્થાનમાં લઈ જાઓ પણ તે પૂર્વે પાછળ વળીને જોવું નહીં. પ્રભાતે જાગી રાજાએ તે જ પ્રમાણે કર્યું પણ કેટલેક દૂર જતાં સંશય આવ્યો તેથી રાજાએ પાછળ દૃષ્ટિ કરી. જોતાંની સાથે પ્રતિમાજી એ જ જગ્યાએ આકાશમાં સ્થિર થઈ ગઈ. એ વખતે પ્રતિમાજીની નીચેથી ઘોડેસવાર પસાર થઈ જાય એટલી જગ્યા હતી.
આ ચમત્કારી ઘટનાથી પ્રભાવિત થઈ રાજાએ ત્યાં જ શ્રીપુર (શીરપુર) નગર વસાવી નવું જિનમંદિર બંધાવી ૧૧૪૨માં મલવાદી અભયદેવસૂરિ મ.સા.ના હાથે પ્રતિષ્ઠા કરાવી છે. અત્યારે પણ આ પાર્શ્વનાથજીનું બિંબ ભૂમિથી સ્ટેજ ઉંચે નિરાધારપણે રહેલ છે. જેની નીચેના ભાગમાં સહેલાઈથી આરપાર કપડું જઈ શકે છે. આ તીર્થના પ્રભાવથી પૂ.ભાવવિજયજી ગણિના આંખોના પડલ દૂર થઈ ગયા હતા અને તેઓના આંખોનું તેજ પાછું આવ્યું હતું. આ પદ બોલતાં આવી ચમત્કારિક મૂર્તિને ઉપસ્થિત કરી વિચારવું કે,
“મારા પરમ પુણ્યોદયે આજે પણ આવી દેવ અધિષ્ઠત પ્રતિમાઓ છે. તેના દર્શન, વંદન ને સ્પર્શન કરી મારા મલિન આત્માને નિર્મલ કરવા યત્ન કર્યું અને શીધ્ર આત્મિક આનંદ મારું.’
વરકારો પાસ -
આ પ્રાચીન તીર્થ રાજસ્થાનમાં આવેલું છે. શાસ્ત્રમાં આ નગર વરકનક તરીકે પ્રસિદ્ધ છે. આ નગરની વચ્ચે જિનમંદિર છે. અહીંના પ્રતિમાજી લગભગ વિ.સં. ૫૧૫ માં પ્રતિષ્ઠિત થયેલ છે.
આ પદ બોલતાં આ પાર્શ્વનાથ પ્રભુને સ્મૃતિપથ પર બિરાજિત કરી તેમના ચરણોમાં મસ્તક નમાવી આત્મશ્રેયાર્થે વંદના કરવાની છે.
