________________
૨૫૦
સૂત્રસંવેદના-૫
તારંગે શ્રી અજિત જુહાર -
આબુની કોરણી તો તારંગાની ઊંચાઈ.” ૮૪ ગજ ઊંચાં આ તીર્થના દર્શન જોનારને આશ્ચર્ય ગરકાવ કરી મૂકે છે. પરમહંતુ કુમારપાળ મહારાજે પૂર્વે ૩ર માળનું આ દહેરાસર બંધાવી તેમાં ૧૨૫ અંગુલ ઊંચી શ્રી ઋષભદેવ પરમાત્માની પ્રવાલની પ્રતિમા સ્થાપના કરી હતી. કાળના પ્રવાહે એ તીર્થ તૂટી ગયું. ઉપદ્રવ થતાં કુમારપાળ રાજાએ સ્થાપેલ પ્રવાલના જિનબિંબને ભંડારી દેવામાં આવ્યું. અત્યારે આ તીર્થમાં ચાર માળનું ચૈત્ય છે. તેમાં શ્રી અજિતનાથ ભગવાનની વિશાળ પ્રતિમા છે. ત્યાં ઉપર કેગના લાકડા કે જેને બાળવાથી તેમાંથી પાણી ઝરે છે તેના ચોકઠા બનાવી એવી રીતે ગોઠવ્યા છે કે ૩૨ માળની ગણત્રી થઈ શકે. આ દહેરાસર ૧૪૨ ફુટ ઊંચું. ૧૫૦ ફૂટ લાંબું અને ૧૦૦ ફુટ પહોળું છે અને તે ૨૩૦ ફૂટના લાંબાં પહોળા ચોકમાં સ્થિત છે. ચારે બાજુ મનોહર કુદરતી વાતાવરણ છે. આ પદ બોલતાં સાધક વિચારે કે,
ગણાઘર ભગવંતના જીવ પરમાર્ટસ્ કુમારપાળ મહારાજાએ નિર્મિત આ ભવ્ય જિનાલય અને જિનપ્રતિમા જેવી પ્રતિમાઓ તો હું બનાવી શકું તેમ નથી કે તેમના જેવી મૃતોપાસના કરવાની પણ મારી શક્તિ નથી, તોપણ ભાવપૂર્ણ હૃદયથી આપને વંદના કરું છું અને આવી ભક્તિ અને શક્તિ મારામાં પ્રગટે તેવી ભાવના ભાવું છું.”
અંતરિક્ષ –
મહારાષ્ટ્રના શીરપુર ગામના છેવાડે આવેલા આ તીર્થમાં શ્યામ વર્ણવાળા અર્ધપદ્માસનસ્થ શ્રી પાર્શ્વનાથ ભગવાનની ૧૦૭ સે.મી. ઊંચી અતિ પ્રાચીન પ્રતિમા બિરાજમાન છે.
રાજા રાવણના બનેવી પાતાલલોકના રાજવી ખરદૂષણ એકવાર આ પ્રદેશ ઉપરથી વિમાન દ્વારા પસાર થઈ રહ્યા હતા. મધ્યાહ્ન સમયે જ્યારે જિનેશ્વરદેવની પૂજા અને ભોજનનો સમય થયો ત્યારે તેઓ આ પ્રદેશમાં ઉતર્યા. રાજા ખરદૂષણના સેવકો માલી અને સુમાલી પૂજા કરવા પ્રતિમા લાવવાનું ભૂલી ગયા હતા. તેથી પૂજા માટે તેઓએ ત્યાં જ રેતી અને ગોબરમાંથી પ્રતિમા બનાવી અને પૂજા પત્યા પછી પાછા ફરતાં તેને નજીકના
