________________
સકલતીર્થ વંદના
૨૪૭
‘આ કેવું અદ્દભૂત કુટુંબ કે જેઓ ભૌતિક ક્ષેત્રે તો સાથે રહ્યાં પરંતુ આત્માનંદની મસ્તી માણવા પણ સો સાથે સિદ્ધિગતિએ ગયા. હું પણ આવો પુરુષાર્થ કરી ક્યારે
સિદ્ધિગતિને પામીશ ?” વિમલાચલ –
નિર્મળ અને અચળ અવસ્થાની પ્રાપ્તિનું જે પ્રબળ કારણ છે તેવું વિમલાચલતીર્થ આજે સૌરાષ્ટ્રના પાલિતાણા ગામમાં આવેલું છે. તે પ્રાય: શાશ્વતું છે. તેના કાંકરે કાંકરે અનંતા આત્માઓ ક્ષપકશ્રેણી પ્રારંભી, શુક્લ ધ્યાનના પ્રથમ બે પાયા પર આરોહી ઘનઘાતી કર્મનો ક્ષય કરી, શુક્લધ્યાનના અંતિમ બે પાયા સાધી, અયોગી ગુણસ્થાનકને સ્પર્શી, સકલ કર્મનો ક્ષય કરી, માત્ર એક જ સમયમાં સાત રાજલોકને વટાવી લોકના અંતે સાદિ-અનંત ભાંગે શાશ્વત-સ્વાધીન-સંપૂર્ણ સિદ્ધિસુખના સ્વામી બન્યા છે. આ સિદ્ધાચલનો મહિમા અચિત્ત્વ છે. ખુદ શ્રી સીમંધરસ્વામી ભગવાને ઇન્દ્રમહારાજાની આગળ તેના મહિમાગાન કરતાં કહ્યું છે કે, આ શત્રુંજયની તોલે આવી શકે તેવું બીજું કોઈ તીર્થ નથી.
‘કોઈ અનેરો જગ નહિ એ તીર્થ તોલે .
એમ શ્રીમુખ હરિ આગલે શ્રી સીમંધર બોલે.' આ પદ બોલતાં પવિત્રતાના સ્થાનભૂત આ તીર્થનું સ્મરણ કરી અંતરંગ શત્રુને મહાત કરવાનો અને કર્મમળનું પ્રક્ષાલન કરી આત્માના વિમલ અને અચલ સ્વરૂપને પ્રગટ કરવાનો શુભ સંકલ્પ કરવાનો છે. વળી, જેના કાંકરે કાંકરે અનંતા આત્માઓ સિદ્ધિપદને પામ્યા, જે ક્ષેત્રના પ્રભાવે પાપી પણ પુણ્યાત્મા થયા, અધમ પણ ઉત્તમ આત્મા બન્યા તે ક્ષેત્રને ભાવથી વંદન કરી હું પણ મારા આત્માને શુદ્ધ બનાવું એવી ભાવના ભાવવાની છે. ' ગઢ ગિરનાર -
ગિરનારતીર્થ વર્તમાન ચોવીસીના બાવીસમા તીર્થપતિ પ્રભુ નેમિનાથની દીક્ષા, કેવળજ્ઞાન અને નિર્વાણની ભૂમિ છે. આ તીર્થ શત્રુંજયતીર્થનો જ એક ભાગ ગણાય છે. તેથી તેની મહાનતા અને પવિત્રતા પણ તેટલી જ છે. તે સૌરાષ્ટ્રના જુનાગઢ શહેરમાં આવેલું છે. આવતી ચોવીસીના ચોવીસે ભગવાન અહીંથી જ મોક્ષે જવાના છે.
