Siddhachakra Mmahapujan Vidhi

Author(s): Arvindsagar
Publisher: Arunoday Foundation

Page 65

श्री सिद्धचक्र महापूजन विधि
तंपि व कायव, जिणपूयादाणभोयकज्जंमि ।
न धरिज्जइ तद्दियहे, धरिएण विणासए सिद्धि । । २९ ।।
जं जं चिंतइ कज्जं, तं तं संपडइ सिद्धचक्केणं । सुइधीर - धम्मवंते, पुरिसे नत्थित्थ संदेहो । । ३० ।। को वणिउं समत्थो, सयलविहाणमिमस्स चक्कस्स । मुत्तूण जिणवरिंदं, को जाणइ सयलसब्भावं । । ३१ ।। मा देह जस्स कस्सवि, अभव्वजीवस्स अन्नलिंगीणं । सिद्धं दुल्लहलाहं, एसो मंतक्कमो मग्गो । । ३२ ।। जो हव बंभत्ता, गुरुपडिमाघायणंमि जो दोसो । परसमयलिंगकहियं, होइ तयं तस्स निब्र्भतं । । ३३ ॥ परमेट्ठिदेवयाई, इंदियगहतारयाइं भूयगणे । सिक्खं काऊण इमस्स, दिज्जइ विज्जा सुसम्मत्ते । । ३४ ।। धम्मजये समचित्ते, सम्मत्तविभूसिए महासत्ते । सच्चाइगुणसमिद्धे, दायव्वं सव्वसिद्धीए । । ३५ ।।
गाहापणतीसाए, सिद्धिकरं सयलकज्जकरं मणइट्ठे । जिणसासणस्स सारं, उप्पण्णं सिद्धवरचक्कं । । ३६ ।।
।। इति श्रीसिद्धचक्रमहिमापद्धतिस्तवनम् ।।
५१