Anusandhan 2008 06 SrNo 44

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 31

२४
अनुसन्धान ४४
एयाए भावणाए जइ अवसाणंपि मज्झ किर होज्जा। ता अहयं चिय धन्नो नहु अन्नं पत्थणिज्जति ।। ४९ ॥ भावण-अमियं अहवा कम्मवसा मा समुलसउ मुज्झ । अन्नस्सवि दट्ठणं एयं घुटेसु किं कइया ? ॥ ५० ॥ वेरग्गभावणाए किंवा वच्चंतु मज्झ दियहाई । नियहिययचितियाइं लब्भंति नवत्ति को मुणइ ? ॥ ५१ ।। एयं भावणतत्तं सव्वंगं तुज्झ जीव ! जइ प्फुरइ । पंचुत्तरवासीणं वि सोक्खं मन्नामि ता तुच्छं ॥ ५२ ॥ एगंते होऊणं मुहुत्तमेत्तं विसिट्ठमंतं व। पइदियहं झाएज्जह एवं उवएसवरतत्तं ॥ ५३ ।। जह दीवाओ दीवो बोहिज्जइ भावणाए तह भावो । इय पढह गुणह झायह भविया एयं सया तत्तं ॥ ५४ ।। सिरि रयणसिंहसूरी भावण-सिहरम्मि आरुहेऊणं । अप्पाणुसासणं भो ! जंपइ जिणसासणे सारं ।। ५५ ।। बारसअउणत्ताले वइसाहे सेयपंचमिदिणम्मि । अणहिल्लवाडनयरे विहियमिणं अप्पसरणत्थं ॥ ५६ ॥ छ ।
छ
(५) हितशिक्षा कुलक जइ जीव ! तुज्झ सम्मं परलोयपयाणयं वसइ हियए । ता धम्ममि पमाओ होज्ज मणागंपि न कयावि ॥ १ ॥ मणमोहणविज्जाहि रत्ताण गुरुम्मि जाण बहुमाणो। धित्तेसिं बहुमाणो जइ नो संवेगरंगाओ ॥ २ ॥ मण नयणह अनुजीह क्रिय तीहं विरलीकरेसु । संजमवंतु सुवासणउ जउ मुणि कोइ कहेसु ।। ३ ।। किरियपरायण बहुय मुणि दीसहिं वेसु धरंत । विरला केइ सुवासणा जे रंजहिं पुण संत ।। ४ ।।