Book Title: Angavijja
Author(s): Punyavijay, Dalsukh Malvania, H C Bhayani
Publisher: Prakrit Text Society Ahmedabad
________________
२४६
अंगविज्जापइण्णयं
[सत्तरसमं पडलं [सोलसमं पडलं] बारस मासा संवच्छरो त्ति भागेसु तीसती मासो । पण्णरसेव तु पक्खो तीसं भागे अहोरत्तं ॥ १ ॥ एतस्स अहोरत्तस्स पुणो तीसतिविधस्स णातव्वं । राति-दिवसपरिवड्डी हाणी य पुणो गणेयव्वा ॥ २ ॥ राती दिवसं च पुणो वड्डी हाणी य सुट्ठ णातूणं । सव्वे वि अहोरत्ता वेलाहि पुणो गणेतव्वा ॥ ३ ॥ एत्तो तिण्हि मुहुत्ता बेसंझाउट्ठिओ य मज्झण्हो । छ प्पुव्वण्हो वुत्तो छ अवरहो मुहुत्तो उ ॥ ४ ॥ बिमुहुत्तो मागधओ बिमुहुत्तो हवति पातरासो वि । अणुमज्झण्हो बिमुहुत्तमो त्ति तिविधो य पुव्वण्हो ।। ५ ॥ किं वा वत्ते सूरम्मि दिवाभातो वि हवति बिमुहुत्तो । अवरण्हो बिमुहत्तोणिये सूरो बिबिमुहुत्तो ॥ ६ ॥ संजोगेति तिमिरहा उडेतो दिणकरो दिसं पुव्वं । तेण मुणे पुव्वण्हं पुव्वदिसायोवलद्धीय ॥ ७ ॥ संजोगेति तिमिरहा मज्झण्हे दक्खिणेण वच्चंतो । तेण मुणे मज्झण्हं तु दक्खिणदिसोवलद्धीय ॥ ८ ॥ संजोयेति तिमिरहा अवरदिसं दक्खिणेण वच्चंतो । तेण मुणे अवरण्हं अवरदिसायोवलद्धीय ॥ ९ ॥ पुव्वदिसाए इंदो तस्सुवलंभेण जाण पुव्वण्हं । अवरदिसाए वरुणो तस्सुवलंभेण अवरण्हं ॥ १० ॥ दक्खिणतो पेयवती उत्तरतो धणवती दिसाधिवती । एतेसिं उवलद्धीय जाण मज्झंतियं वेलं ॥ ११ ॥ जं जिस्से उप्पज्जति दिसाय बिपदं चतुप्पदं वा वि । पुप्फ फलं दव्वाणि व तेण तु तं तं दिसं जाण ॥ १२ ॥
॥ पडलं [सोलसमं] ॥ १६ ॥ छ ।
[सत्तरसमं पडलं] मइलब्भे रत्तकदंसणम्मि संझं तु पच्छिमं जाण । अभिणवरत्तकसंदसणम्मि पुव्वा भवति संझा ॥ १ ॥ रत्तच्छादणणवघडिकुंभें वेरत्तकंबलाणं च । पुष्फ-फल-रत्तमणिकेण कुंभेण य जाण सूरुदयं ॥ २ ॥ रत्तंबरुत्तरिज्जे य दारगे रत्तमज्जणिज्जोगो । रत्तणिवत्थाउवणिग्गमे य सुज्जोदया वेला ॥ ३ ॥ पुण्णामाणुगमणे पुण्णामेण खचिते य थीणामे । ओणायकबाहुपावियाय सुज्जोदयणवेला ॥ ४ ॥ संदीवियग्गजलणे य जाण आलोकणे वणदवस्स । रण्णो वि य आगमणेण जाण सुज्जोदयणवेलं ॥ ५ ॥ बालतिलकं च कण्णातिलगे य तवणिज्ज-पदुमतिलके य । उदितं सूरं जाणे उवणीते रत्तमल्ले य ॥ ६ ॥ एसाऽऽगतो णरिंदो त्ति सामिको सुपुरिसो त्ति वा बूया । जातं दाणि सणाधं ति जाण अइरुग्गतं सूरं ॥ ७ ॥ देवतपूया-बलिमंगलकरणे सत्थीवायणकदेवा । विज्जुद्दीवेण अज्झापणे य मुण मागधं वेलं ॥ ८ ॥
विपणीए सारणेण य पट्ठवणेसु वि य दिवसकम्माणं । भत्तेवत्थोभे दोसिकम्मि मुण मागधं वेलं ॥ ९ ॥ 25 बालघतपज्जणेसु य मुहधोवण-मुंडकाणुदासेसु । खमगजणपारणासु य जाणेज्जो मागधं वेलं ॥ १० ॥
ओलिहणंजण-तिल(क)करण-केसमंडण-पसाधणविधीसु। बालजुवतीजणस्स तु मागधियं वेलमो जाण ॥ ११ ॥ सव्वम्मि पातरासे सिद्धवणीते य भुज्जमाणे य । दुद्धण्हिक-दधितावे अंबेल्लि-विलेपिकादीसु ॥ १२ ॥ कक्करपिंडगगंगावत्तगचुक्कितकवप्पडीसु वि य । अंबटिकघतउण्हे पोवलिकासिद्धिविद्धीसु ॥ १३ ॥ भतकजणसिप्पिकजणस्साहारे तरुणजणपातरासे य । मुण पातरासवेलं मज्झिमिया कूरवेल त्ति ॥ १४ ॥ जूताजूतकआढवकसेवकाणं च पातरासो त्ति । कज्जवसि पातरासे य अणुमज्झण्हं वियाणेज्जो ॥ १५ ।। सुद्धिकरवसभागमणे बंधवे इति अत्थवेल त्ति । मग्गो उवहरण त्ति य अणुमज्झण्हं वियाणेज्जो ॥ १६ ॥ आतवछत्तकगहणे जुत्तपसूणं विमोयणेणं च । तण्हाइत-मकतण्हासु चेव मज्झण्हवेलं तु ॥ १७ ।। णिद्दहति व आदिच्चो उण्हं तण्ह त्ति णिस्ससति भूमि । उण्हो व वाति वातो त्ति एव मझंतियं जाणे ॥ १८ ॥
१ 'भे चेव पक्खकंब हं० त० ॥ २ ओयाणकबाहुप्पतियाय हं० त० विना ॥ ३ उण्णे पोवलिकासित्ति विट्ठीसु हं० त० विना ॥ ४ रुयक हं० त० ॥
Jain Education International
For Private & Personal Use Only
www.jainelibrary.org
Page Navigation
1 ... 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470