Angavijja

Author(s): Punyavijay, Dalsukh Malvania, H C Bhayani
Publisher: Prakrit Text Society Ahmedabad

Page 367

२६४
अंगविज्जापइण्णयं [सट्ठिमो उववत्तिविजयज्झाओ-उत्तरद्धं ]
अधापुव्वं खलु भो ! महापुरिसदिण्णाय अंगविज्जाय उववत्तिविजयो णामज्झायो, तमणुवक्खस्सामि । तत्थ अंगविदा सम्म अप्पाणं पडिदेक्खियाणं सव्वंगेण सव्वंगसकेणं अवहट्ट राग-दोसे मज्झत्थेणं सम्मं आधारणे जोगं समंताहारपणिधितेणं एक्कग्गमतिदियसमंताहारेणं तप्परेणं अप्पणो अज्झत्थे सण्णायं आधारयमाणेणं 'कत्थ इमं 5 जंतुमुपपज्जिस्सति ?' त्ति 'काऽस गती पुरेक्खडे ?' त्ति एव पुव्वाधारितेण वा आधारयमाणेणं उपपत्ती जीवाणं उवलद्धव्वा भवति । तं जधा-णिरयभवोपपत्ति तिरिक्खभवोपपत्ति मणुस्सभवोपपत्ति देवभवोपपत्ति सिद्धिअभवउपपत्ति णिव्वाणमिति । तत्थ णेरयिकोपपत्ति तिरिक्खजोणिकोपपत्ति मणुस्सगतोपपत्ति देवोपपत्ति चेति चतुविधा संसारोपपत्ती विण्णेया भवति । सिद्धउपपत्ती मोक्खो अपुणब्भवो संसारविप्पमोक्खो असंसारोपपत्ती विण्णेया भवति । तत्थ अंतरंगे वा बाहिरंगे वा
तदुभये वा आधारयित्ता संसारोपपत्ती पुणब्भवो चतुविधो सिद्धीउपपत्ती चेव अपुणब्भवो इमेहिं आमास-सद्द10 पडिरूवविसेसेहिं उवलद्धव्वं भवतीति ।।
तत्थ अधोगत्तामासे णिण्णामासे कण्हामासे किलिट्ठामासे दुग्गंधामासे व उवद्दुतामासे सव्वदारुणगते सव्वणिरयपुरक्खडोपचारगते णेरयिकणामपादुब्भावे णेरयिकपडिरूवगते णेरयिकणामथी-पुरिसउवचारगते णिरयणामोदीरणे णिरयाणुभागपरिकित्तणासु णिरयोपपातकधासु अमणुण्णसद्द-पडिरूव-गंध-रस-फासोदीरणेसु चेव उव्वेदणीयासु एवंविधे
पेक्खितामासे सद्द-पडिरूवपादुब्भावे चेव णिरयमुपपज्जिस्सतीति णिरयभावो ते अणंतरपुरक्खडो त्ति बूया । तत्थ कतमं 15णिरयमुपपज्जिस्सतीति पुव्वमाधारिते सीतवेदणीयं उसिणवेदणीयं व त्ति । तत्थ अग्गेयेसु सव्वअग्गिपादुब्भावे सव्वउसुणफासपादुब्भावे सव्वपयणपादुब्भावे सव्वतापणपादुब्भावेसु उसु[ण]जोणीकेसु सत्तेसु अग्गिउवकरणेसु अग्गिसरीरेसु वा उवकरणेसु एवंविधे सद्द-रूवपादुब्भावे वा उसुणवेदणीयं णिरयं उपपज्जिस्सति त्ति बूया । तत्थ सव्वआपुणेयेसु संवत्ततेसु सव्वसीतफासेसु सव्वसीतआपुजोणीयं सव्वआपुमये उवकरणे हेमंतोपकरणेसु हेमंतसीतफास
सीतवातपरिकित्तणासु सीतजोणिकेसु सत्तेसु सीतद्द्यपरिकित्तणासु चेव एवंविधे सद्द-पडिरूवपादुब्भावे सीतवेदणीयं 20णिरयं उपपज्जिस्सति त्ति बूया । किलेसे निरये उपपज्जिस्सति त्ति लेसायं आधारितायं कण्हवण्णपडिरूवगते
कण्हलेस्सजीवपरिकित्तणे चेव कण्हलेसं णिरयं उपपज्जिस्सति ति बूया । तत्थ णीलवण्णे पडिभोगपरामासे णीलवण्णपडिरूवगते य णीललेस्सजीवपरिकित्तणेसु चेव एवंविधे सद्द-पडिरूवपादुब्भावे णीललेस्सं णिरयं उपपज्जिस्सति त्ति बूया। तत्थ कावुवण्णपडिभोगपरामासे कावुवण्णपडिरूवगते कावुलेस्सजीवपरिकित्तणेसु चेव एवंविधे सद्दपडिरूवपादुब्भावे कावुलेस्सं णिरयं उपपज्जिस्सति त्ति बूया । तत्थ 'कतमस्सि पुढवीयं उपपज्जिस्सति ?' ति पुव्वमाधारयितव्वं भवति । 25 गणणापरिसंखायं एकक-बिक-तिक-चउक्क-पंचक-छक्क-सत्तकेहि ठियामासठाणेहिं उवलब्भ पढम-बितिय-ततिय
चउत्थी-पंचमी-छट्ठी-सत्तमीयो पुढवीयो अमुकिस्सि पुढवीयं उपपज्जिस्सति त्ति बूया । 'किंठितीयं उपपज्जिस्सति णिरयं' ति पुव्वमाधारितंसि सव्वपादुब्भावेसु सव्वंगिकिं ठिति बूया । जधण्णपलितोवमेसु वा आधारितेसु पलियपडिरूवेसु पलियपडिरूवेहि सद्देहि य पलितोवमं विण्णेयं, सागरपडिरूवेण य सागरसद्दोदीरणेहि सागरोपमं विण्णेयं । गणणापरिसंखाय णेतव्वाणि पलितोवमाणि सागरोपमाणि य आधारयित्ता आधारयित्ता विण्णेयाणि भवंति 30सागरोपमाणं परिसंखा ।
सिद्धं खीरिणि ! खीरिणि ! उदुंबरि ! स्वाहा, सव्वकामदये ! स्वाहा, सव्वणाणसिद्धिकरि ! स्वाहा १ । तिण्णि छट्ठाणि, मासं दुद्धोदणेणं उदुंबरस्स हेट्ठा दिवा विज्जामधीये, अपच्छिमे छटे ततो विज्जाओ य पवत्तंते रूवेण य दिस्सते,
१ सणिकेण हं० त० ॥ २ <D एतच्चिह्नान्तर्गतः पाठः हं० त० नास्ति ॥ ३ उपपयिस्सति हं० त० विना ॥ ४ सव्वम्मि किं हं० त० ॥ ५ सागरसमुद्दो हं० त० विना ॥