Aatm Sadhnanana Amrut Anushthan

Author(s): Pravinchandra L Shah
Publisher: Jain Center of Connecticut

Page 5

ૐ
અભિપ્રાય
આત્મસાધનાના અમૃત અનુષ્ઠાન પુસ્તકનું અવલોકન કર્યું, આનંદ થયો. તેમાં સ્વરૂપ સાધના ઝળકે છે.
સમ્યક્દર્શન, સમ્યક્દાન અને સમ્યક્ચારીત્ર ગુણોની વૃદ્ધિ જે પ્રક્રિયા દ્વારા થાય તે સર્વ અમૃત અનુષ્ઠાન છે. આત્મવિકાસ માટે જ્ઞાન અને ક્રિયા બે મુખ્ય સાધનો છે.
આદરણીય મુમુક્ષુ ભાઈશ્રી પ્રવીણભાઈએ છેલ્લા ત્રણસો ચારસો વર્ષમાં થયેલા મહાપુરુષો ખાસ કરીને શ્રી આનંદધનજી મહારાજ, શ્રી યશોવિજયજી મહારાજ, શ્રી મોહનવિજયજી મહારાજ તથા શ્રી દેવચંદ્રજી મહારાજના કેટલાક સ્તવનો તથા શ્રીમદ્ રાજચંદ્ર વચનામૃતનું અવલંબન લઈને જ્ઞાનયોગ, ભક્તિયોગ, જિનઆજ્ઞાપાલન તથા અસંગ અનુષ્ઠાન વિષે સૂક્ષ્મ સમજણ આપીને સાધકોને મોક્ષમાર્ગમાં આગળ વધવા માટે સુંદર માર્ગદર્શન આપ્યું છે. વિશેષમાં તે મહાપુરુષોના જીવનચરિત્રનું પણ આલેખન કર્યું છે, જે મુમુક્ષુઓને વિશેષ પ્રેરણાદાયી બની રહેશે.
ભગવાન મહાવીરની અંતિમ દેશના-શ્રી ઉત્તરાધ્યયન સૂત્ર, આચારાંગ સૂત્ર, ભગવતી સૂત્ર તથા શ્રી સમયસાર, શ્રી પ્રવચનસાર, શ્રી સમાધિશતક, શ્રી યોગદૃષ્ટિ સમુચ્ચય આદિ આગમ ગ્રંથોનો પણ આધાર લેવામાં આવ્યો છે. તેથી તેમાં વીતરાગદર્શનના સિદ્ધાંતો વણી લેવામાં આવ્યા
છે. વિશેષમાં આ પુસ્તકમાં નિશ્ચયનય અને વ્યવહારનય તથા જ્ઞાન-ભક્તિ અને ક્રિયાનો સુભગ સમન્વય દૃષ્ટિગોચર થાય છે. છેલ્લા પ્રકરણમાં કર્મસિદ્ધાંતની પણ ઉપયોગી સમજણ આપી છે.
આશા છે આ ગ્રંથ સૌ આરાધક જીવોને પ્રેરણાદાયી બની રહેશે. આદરણીય મુમુક્ષુ શ્રી પ્રવીણભાઈ શાહને આવા સુંદર સંકલન-આલેખન માટે અનેકશઃ ધન્યવાદ. તેઓની અધ્યાત્મ સાધના પણ વિશેષ વેગવંતી બને તેવી અંતરની શુભેચ્છાઓ સહ.
શ્રીમદ્ રાજચંદ્ર આધ્યાત્મિક સાધના કેન્દ્ર
કોબા - ૩૮૨૦૦૯ (ગાંધીનગર)
ॐ સૌનો હિતચિંતક
લેખકશ્રીના મનન ઉદ્ગાર
સહ આભાર વ્યક્ત
શ્રી મહાવીરસ્વામી ભગવાનને તથા પ્રાતઃસ્મરણીય ગુરુ ગૌતમ સ્વામીને નમસ્કાર કરીને તેમના શાસનમાં થયેલા સર્વ આચાર્ય ભગવંતો જેમના ગ્રન્થરત્નોનો સંદર્ભ અત્રે મૂક્યો છે તે સર્વ જ્ઞાની ભગવંતોનો હું અત્યંત ઋણી છું, કોટી કોટી વંદન હોજો.
જે મહાત્માઓના સ્તવનો આ પુસ્તકમાં સમજાવ્યા છે તે મહાત્માઓ તો મારા માથાના મુગટ છે. તેઓશ્રીની કૃપાથી જ મારા જેવા અલ્પજ્ઞ અને સંસારી, પ્રમાદી જીવથી આ પુસ્તક માત્ર ભક્તિ-ભાવનાથી લખવાનું શક્ય બન્યું તેમાં ગુરુકૃપા જ મુખ્ય કારણ છે.
૨૦૧૫ નું પર્યુષણ અમેરિકાના Connecticut નામના State માં New Heaven, CT area માં કરવાનો સુયોગ બન્યો અને પર્યુષણના સ્વાધ્યાયમાં આ સ્તવનોનો ભાવાર્થ સમજાવેલ. તે સ્તવનોમાં ત્યાંના જૈન સંઘને ઘણી જ રુચિ થઈ અને મને ભક્તિયોગ ઉપર પુસ્તક લખવા તે સંઘનો Support and સાથ મળ્યો. તે માટે CT Jain center નો અત્યંત ઋણી
પંડિતવર્ય શ્રી ધીરૂભાઈ મહેતાનું સ્મરણ કરવા સાથે મને જણાવતાં અત્યંત હર્ષ થાય છે કે, જેમણે આ પુસ્તક લખવાના મારા ભાવોને ઘણાં જ આવકાર્યા અને હિંમત સાથે પ્રેરણા આપી કે તમે આ લખો તો સ્વાધ્યાય
ગ્રુપોમાં આ પુસ્તક મદદરૂપ થશે. પૂજ્ય પંડિતજીનો મારા પર ઘણો જ ઉપકાર છે અને છેલ્લા ૨૦ વર્ષથી તેમની સાથે અમેરિકામાં અત્રે સત્ઝમાગમનો મને લાભ મળ્યો છે અને ઘણા શાસ્ત્રો ભણાવીને મને ઉપાધ્યાય શ્રી યશોવિજયજી અને આચાર્યશ્રી હરિભદ્રજીના શાસ્ત્રોને સમજવામાં ઘણું જ ઉત્તમ માર્ગદર્શન આપ્યું છે તે માટે હું તેમનો અત્યંત ઋણી છું.
પૂજ્ય પંડિતવર્ય શ્રી ધીરુભાઇએ મારા પ્રત્યે ધર્મપિતાના વાત્સલ્યથી