Sthanang Sutra Part 02

Author(s): Jayanandvijay
Publisher: Guru Ramchandra Prakashan Samiti

Page 399

१० स्थानकाध्ययने सामाचार्य वीरस्वप्नाः ७४९ - ४५० सूत्रे
श्री स्थानाङ्ग सूत्र सानुवाद भाग २ दसविहा सामायारी पण्णत्ता, तंजहा - इच्छा १ मिच्छा २ तहक्कारो ३, आवस्सिता ४ य निसीहिता ५ । आपुच्छणा ६. य पडिपुच्छा ७, छंदणा ८ य निमंतणा ९ ॥ | १ || उवसंपता १० य काले, सामायारी भवे दसविधा उ ॥ सू० ७४९ ।।
समणे भगवं महावीरे छउमत्थकालिताते अंतिमरातितंसि इमे दस महासुमिणे पासित्ताणं पडिबुद्धे तंजहाएगं च णं महाघोररूवदित्तधरं तालपिसायं सुमिणे पराजितं पासित्ताणं पडिबुद्धे १,
एगं च णं महं सुक्किलपक्खगं पुसकोइलगं सुमिणे पासित्ताणं पडिबुद्धे २,
गं चणं महं चित्तविचित्तपक्खगं पुसकोइलं सुविणे पासित्ताणं पडिबुद्धे ३, एगं च णं महं दामदुगं सव्वरयणामयं सुमिणे पासित्ताणं पडिबुद्धे ४
एगं च णं महं सेतं गोवग्गं सुमिणे पासित्ताणं पडिबुद्धे ५,
एगं च णं महं पउमसरं सव्वतो समंता कुसुमितं सुमिणे पासित्ताणं पडिबुद्धे ६,
एगं च णं महासागरं उम्मीवीचीसहस्सकलितं भुयाहिं तिण्णं सुमिणे पासित्ताणं पडिबुद्धे ७,
एगं चणं महं दिणकरं तेयंसा जलंतं सुमिणे पासित्ताणं पडिबुद्धे ८,
एगं च णं महं हरिवेरुलितवन्नामेणं नियतेणमंतेणं माणुसुत्तरं पव्वतं सव्वतो समंता आवेढियपरिवेढियं सुमिणे पासित्ताणं पडिबुद्धे.९,
एगं च णं महं मंदरे पव्वते मंदरचूलितीते उवरिं सीहासणवरगतमत्ताणं सुमिणे पासित्ताणं पडिबुद्धे १० ।
जं णं समणे भगवं महावीरे एगं महं घोररूवदित्तधरं तालपिसातं सुमिणे परातितं पासित्ताणं पडिबुद्धे, तं णं • समणेणं भगवता महावीरेणं मोहणिज्जे कम्मे मूलओ उग्घातिते १ ।
जंणं समणे भगवं महावीरे एगं महं सुक्किलपक्खगं जाव पडिबुद्धे, तं णं समणे भगवं महावीरे सुक्कज्झाणोवगते विहरइ २ ।
जंणं समणे भगवं महावीरे एगं महं चित्तविचित्तपक्खगं जाव पडिबुद्धे, तं णं समणे भगवं महावीरे ससमयपरसमयियं चित्तविचित्तं दुवालसंगं गणिपिडगं आघवेति पण्णवेति परूवेति दंसेति निदंसेति उवदंसेति तंजहा - आयारं जाव दिट्ठीवातं ३ ।
सम भगवं [महावीरे एगं] महं-दामदुगं सव्वरतणा जाव पडिबुद्धे तं नं समणे भगवं महावीरे दुविहं धम्मं • पण्णवेति, तंजहा - अगारधम्मं च अणगारधम्मं च ४ ।
जं समणे भगवं महावीरे एगं महं सेतं गोवग्गं सुमिणे जाव पडिबुद्धे, तं णं समणस्स भगवओ महावीरस्स चाउव्वण्णाइण्णे संघे तंजहा- - समणा, समणीओ, सावगा, साविगाओ ५ ।
जंणं समणे भगवं महावीरे एगं महं पउमसरं जाव पडिबुद्धे, तं णं समणे भगवं महावीरे चउव्विहे देवे पण्णवेति, तंजहा–भवणवासी, वाणमंतरे, जोतिसिते, वेमाणिते ६ । .
समणे भगवं महावीरे एगं महं उम्मीवीची जाव पडिबुद्धे, तं णं समणेणं भगवता महावीरेणं अणातीते अणवदग्गे दीहमद्धे चाउरंते संसारकंतारे तिने ७ ।
समणे भगवं महावीरे एवं महं दिणकरं जाव पडिबुद्धे, तन्नं समणस्स भगवतो महावीरस्स अनंते अणुत्तरे
351