Shrenik Charitram

Author(s): Rajdarshanvijay
Publisher: Ratnoday Charitable Trust

Page 35

श्रीश्रेणिकचरित्रम् ।
अथ प्रसन्नचन्द्रर्षिश्चिकीर्षुः कर्म्मणः क्षयम् । पृथुपृथ्वीशिलापृष्टे, वैभारोपत्यकास्थिते ।। २८४ ।।
उत्क्षिप्तैकक्रमः सूर्याभिमुखश्च भुजद्वयः ।
समाहितमनास्तस्थौ, कायोत्सर्गेण निश्चलः । । २८५ ।। युग्मम् ।।
नृपस्तेनाध्वना गच्छन्नादित्यातपतापतः । सर्वाङ्गप्रक्षरत्स्वेदं, सनिर्झरमिवाचलम् ।।२८६ ॥
एकपादस्थितं स्थेष्टमेकपादमिवाङ्घ्रिपम् । स्वर्गापवर्गमाक्रष्टुमिवोत्क्षिप्तभुजद्वयम् ।। २८७ । ।
दृग्युद्धमिव तन्वानं पश्यन्तं सूर्यमण्डलम् । प्रसन्नचन्द्रराजर्षि, वीक्ष्योपालक्षयन्नृपः ।।२८८ ।। त्रिभिर्विशेषकम् ।
उत्तीर्य हस्तिनः स्कन्धात्तं नत्वा भक्तिनिर्भरः ।
शिरो धुन्वन् जगामाग्रे तद्गुणग्रामरञ्जितः ।। २८९ ।।
दृष्ट्वा चन्द्रमिवाम्भोधिश्छत्रादीन् श्रीमदर्हतः । उल्लास भृशं राजा, श्रेणिकः परमार्हतः । । २९० ।।
नृराजो राजचिह्नानि पञ्चाप्येतान्यथामुचत् ।
वाहनं मुकुटं छत्रं कृपाणं चामरे अपि ।।२९१।।
"
ततः समवसृत्यन्तः, प्रविश्य जिननायकम् । तिस्रः प्रदक्षिणाः कृत्वा, वन्दित्वा चास्तवीदिति ।। २९२ ।।
श्रद्धया वर्धमानोऽपि, वर्धमानजिनेश्वर ! । त्वदाज्ञामुपमातीतां, कथंकारमहे स्तुवे ? ।।२९३ ।।
कल्पद्रुमाद्यतिक्रान्ता, त्वदाज्ञा देव ! देहिनाम् । प्रसूते या फलैर्नित्यमिहामुत्राप्यचिन्तितैः ।। २९४ ।।
३१