Book Title: Saral Syadvad Mat Samiksha Author(s): Shankarlal D Kapadia Publisher: Manubhai Shankarlal Kapadia View full book textPage 8
________________ ચતુર્થ આવૃત્તિ પ્રસ્તાવના | નવો નમઃ શ્રી ગુરુ સાગરાનંદ સૂરયે | દરેક દર્શનનનો પાયો તેના મૌલિક સિદ્ધાંતો ઉપર આધારિત હોય છે. જયારે જૈન દર્શનના મૌલિક સિદ્ધાંતો ઉપર વિચાર કરીએ ત્યારે તેના વીતરાગતા અને સ્યાદ્વાદના સિદ્ધાંત ઉપર નજર ઠરે છે. સ્યાદ્વાદ-સિદ્ધાંત ઉપર કાંઈક વિચાર-વિમર્શ કરીએ તો સ્યાદ્વાદનો અર્થ સંક્ષેપમાં એટલો જ છે કે વસ્તુ જે રીતે હોય તે રીતે બોલવી અને માનવી. આજે જગતની કોઈ પણ વસ્તુ જાણવી-માનવી હોય તો તેનાં અનેક પાસાંઓ ઉપર નજર ફેરવીએ તો જ તે વસ્તુનું સત્ય હાથમાં આવે છે. એક વસ્તુને અનેક રીતિએ સમજીને-જોઈને જે નિર્ણય થાય તે જ સાચો નિર્ણય કરી શકાય અને એ નિર્ણયાનુસારે ચાલવાવાળા જ સત્યના અંતિમ ચરણ સુધી પહોંચી શકે છે. સાદ્વાદનો અર્થ નહીં જાણનારા કે જેઓ તેને અસ્થિરવાદ કે જમવાદ તરીકે ઓળખાવે છે તેઓને એક જ પ્રશ્ન કરીએ કે જે વ્યક્તિ પુત્રરૂપે છે તે વ્યક્તિ શું કોઈના પિતા-માતુલ-ભાગિનેય તરીકે બને કે નહીં? એટલે જ સ્યાદ્વાદ એ વસ્તુ સંપૂર્ણપણે જે રીતે છે તે રીતે સમજવાનો માર્ગ છે. આથી આજથી ૯૦૦ વર્ષ પૂર્વે થઈ ચૂકેલા કલિકાલ સર્વજ્ઞ પૂ.શ્રી હેમચંદ્રાચાર્યે સિદ્ધરાજ જયસિંહની સભામાં પંડિતોની સમક્ષ ઘોષણા કરી કે: ર જાનેમન્તને સ્થિતિ: / એટલે કે અનેકાંતવાદ સિવાય પદાર્થની પ્રરૂપણા કરવાનો બીજો કોઈ ન્યાયમાર્ગ નથી, માટે જ જગતની સ્થિતિ અનેકાંત વગર રહી શકતી નથી અને આ જ વાત સામાન્ય લોકો પણ સમજી શકે તે માટે અનેક શાસ્ત્રો, લેખો પ્રગટ થતાં રહ્યાં છે. અત્યારે પણ સાત દાયકા પહેલાં માન્યવર શ્રી શંકરલાલ કાપડીઆ (શ્રી યશોવિજયજી જૈન ગુરૂકુળ-પાલિતાણાના ગૃહપતિ) એ જે પુસ્તક બહાર પાડ્યું હતું તેની આજે આવશ્યકતા જણાતાં પુન:બહાર પડી રહ્યું છે. આ પ્રયત્ન ધન્યવાદને પાત્ર બને છે. આવી રીતે જૈનોના મૌલિક સિદ્ધાંતોને સાદી ભાષામાં બહાર પાડીએ તો અનેક ભાવિકોની જિજ્ઞાસા તૃપ્ત થાય એ નિશ્ચિત છે. સ્યાદ્વાદ એટલે સ્વા-અમુક દષ્ટિએ, વાદ-કહેવું-બોલવું તે.. અર્થાત વસ્તુનો જે રીતે ઉપયોગ થતો દેખાય તે રીતે કહેવું અને આ કહેનાર સત્યના પંથે ચાલી રહેલો છે એમ સ્વીકારવું પડે. સત્યના માર્ગે ચાલનારો જ પ્રાન્ત મોક્ષ સુધી પહોચી શકે છે અને આ જ પદની પ્રાપ્તિ માટે ભાવિકોના સદા પ્રયત્ન વૃદ્ધિગત રહે એ જ ભાવના... પરમ પૂજ્ય આગમોતારક આચાર્ય શ્રી આનંદસાગર સુરીશ્વરજી ચરણરજ પરમ સૂર્યોદય સાગર આ.વ.૮/૬૦ગોડીજી-મુંબઈPage Navigation
1 ... 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66
