Book Title: Panchsangrah
Author(s): Hiralal Jain
Publisher: Bharatiya Gyanpith
View full book text
________________
पंचमो
सत्तरि-संगहो वंदित्ता जिणचंदं दुण्णय-तम-पडल-पाउयं वरदं । सत्तरिगाहसमुदं बहु-भंग-तरंग-संजुत्तं ॥ सिद्धपदेहिं महत्थं बंधोदयसंतपगडिठाणाणि ।
वुच्छं सुण संखेवं णिस्सदं दिविवादादो ॥१॥ 'सिद्धपदे हिं महत्थं महत्थं]णाम ख्यातनिपातोपसर्गविरहितं, सभावसिद्धेहिं पदेहिं बधोदयसंतपगडिठाणाणं वुच्छं महत्थं संखेवं सुण दिढिवादस्स णिस्सदं। उदयगहणेण उदीरणा वि गहिदा । सत्तगहणेण उवसमणं खवणं च गहियं ।।
कदि बधंतो वेददि कइया कदि पगडिठाणकम्मंसा ।
मूलुत्तरपगडीसु य भंगवियप्पा य बोधव्वा ॥२॥ 'कदि बंधंतो वेददि' कदि पगडिट्ठाणाणि बंधमाणो केत्तियाणि पगडिहाणाणि वेदेदि, कदि वा संतकम्मपगडिट्ठाणाणि तस्स । मूलपगडीसु उत्तर पगडीसु च भंगवियप्पा जाणियव्वा ।
अट्टविह सत्त सो[ छ ]बंधगेसु अट्ठव उदयकम्मंसा ।
एगविधे तिवियप्पो एगवियप्पो अबंधम्मि ॥३॥ अट्ठविहबंधगेसु सत्तविहबंधगेसु छव्विबंधएसु च अट्ठविह-उदयकम्माणि, अट्ठेव संतकम्माणि हुति । वेदणीय-एगविहबंधगे उवसंतकसाये मोहणीयवज सत्त उदयकम्माणि अठ्ठ संतकम्माणि । एस इक्को वियप्यो । खीणकसाए मोहणीयवज्ज सत्त उदयकम्माणि । संतकम्माणि सत्त । एस विदिओ वियप्पो। सजोगिकेवलिम्मि चत्तारि अघादिकम्माणि उदय-संताणि त्ति । एस तदिओ वियप्पो । अबंधम्मि अजोगिकेवलिम्हि चत्तारि अघादिकम्माणि उदय-संताणि त्ति एक्को चेव वियप्पो ।
सत्तट्ठ बंध अट्ठोदयंस तेरससु जीवठाणेसु ।
इकम्हि पंच भंगा दो भंगा हुंति केवलिणो ॥४॥ 'सत्तट्ठबंध अट्ठोदयंस' सण्णि-पंचिंदिय पज्जत्त वज्ज तेरससु जीवसमासेसु सत्तकम्माणि अट्ठकम्माणि वा बंधट्ठाणाणि, उदय-संतकम्मट्ठाणाणि अठ्ठ । 'इक्कम्हि पंच भंगा' सण्णिपंचिंदिय-पजत्त जीवसमासेसु अट्ठबंधोदयसंतकम्मट्ठामाणि त्ति एओ वियप्पो। सत्त कम्माणि बंधट्ठाणं, अट्ठ उदय-संतकम्मट्ठाणाणि त्ति विदिओ वियप्पो। छकम्माणि बंधट्ठाणं अट्ठ उदय-संतकम्मट्ठाणाणि त्ति तदिओ वियप्पो। वेदणीयमेकं चेव बंधट्ठाणं, सत्त उदयकम्माणि, संतकम्माणि अट्ठ इदि च उत्थो वियप्पो। देदणीयमेकं चेव बंधट्ठाणं, सत्तउदय-सत्तसंतकम्मट्ठाणाणि, पंचमो वियप्पो । 'दो भंगा हुंति केवलिणो' सजोगिकेवलिस्स वेदणीयमेकं चेव
Jain Education International
For Private & Personal Use Only
www.jainelibrary.org
Page Navigation
1 ... 696 697 698 699 700 701 702 703 704 705 706 707 708 709 710 711 712 713 714 715 716 717 718 719 720 721 722 723 724 725 726 727 728 729 730 731 732 733 734 735 736 737 738 739 740 741 742 743 744 745 746 747 748 749 750 751 752 753 754 755 756 757 758 759 760 761 762 763 764 765 766 767 768 769 770 771 772 773 774 775 776 777 778 779 780 781 782 783 784 785 786 787 788 789 790 791 792 793 794 795 796 797 798 799 800 801 802 803 804 805 806 807 808 809 810 811 812 813 814 815 816 817 818 819 820 821 822 823 824 825 826 827 828 829 830 831 832 833 834 835 836 837 838 839 840 841 842 843 844 845 846 847 848 849 850 851 852 853 854 855 856 857 858 859 860 861 862 863 864 865 866 867 868 869 870 871 872