Pancham Shataknama evam Saptatikabhidhan Shashtha Karmgranth

Author(s): Chandraguptasuri
Publisher: Jain Atmanand Sabha

Page 227

162 मलयगिरिमहर्षिविनिर्मितबिवृत्युपेतं [गाथाः दश नव पञ्च चतस्रः तिस्रः द्वे एका च / तत्र सम्यक्त्व-सम्यग्मिथ्यात्वे बन्धे न भवतः, न च त्रयाणां वेदानां युगपद् बन्धः किन्त्वेककालमेकस्यैव, हास्य-रतियुगला-ऽरति-शोकयुगले अपि न, युगपद् बन्धमायातः किन्त्वेकतरमेव युगलम् , ततो मोहनीयस्योत्कर्षतः प्रभूतप्रकृतिबन्धो द्वाविंशतिः, सा च मिथ्यादृष्ठिगुणस्थानके प्राप्यते / ततः सासादनसम्यग्दृष्टिगुणस्थानके मिथ्यात्वस्य बन्धाभावाद् एकविंशतिः, यद्यप्यत्र नपुंसकवेदस्यापि बन्धो न भवति तथापि तत्स्थाने स्त्रीवेदः पुरुषवेदो वा प्रक्षिप्यत इत्येकविंशतेरेव बन्धः / ततो मिश्रा-ऽविरतसम्यग्दृष्टिगुणस्थानकयोरनन्तानुबन्धिनामपि बन्धाभावात् सप्तदश / ततोऽपि देशविरतिगुणस्थानके प्रत्याख्यानकषायाणां बन्धाभावात् त्रयोदश / ततोऽपि प्रमत्ता-अमत्ता-ऽपूर्वकरणेषु प्रत्याख्यानावैरणानां बन्धाभावाद् नव, यद्यपि अरति-शोकरूपं युगलं प्रमत्तगुणस्थानके एव व्यवच्छिन्नं तथापि तत्स्थाने हास्य-रतियुगलं प्रक्षिप्यते इत्यप्रमत्ता- पूर्वकरणयोर्नवकबन्धो न विरुध्यते। ततो हास्यरति-भय-जुगुप्सा अपूर्वकरणचरमसमये बन्धमाश्रित्य व्यवच्छिद्यन्ते इति अनिवृत्तिबादरसम्परायगुणस्थानके प्रथमभागे पञ्चानां बन्धः / द्वितीयभागे पुरुषवेदस्य बन्धाभावात् चतसृणां बन्धः / तृतीयभागे संज्वलनक्रोधस्य बन्धाभावात् तिसृणों बन्धः / चतुर्थभागे संज्वलनमानस्य बन्धाभावाद् द्रुयोर्बन्धः / पञ्चमभागे संज्वलनमायाया अपि बन्धाभावादेकस्याः संज्वलनलोभप्रकृतेर्बन्धः / ततः परं बादरसम्परायोदयाभावात् तस्या अपि न बन्धः // 10 // तदेवमुक्तानि मोहनीयस्य बन्धस्थानानि / सम्प्रत्युदयस्थानान्यभिधित्सुराह ऐक व दो व चउरो, एत्तो एक्काहिया दसुक्कोसा। ओहेण मोहणिजे, उदयट्ठाणा नव हवंति // 11 // 'ओघेन' सामान्येन मोहँनीये उदयस्थानानि नव भवन्ति, तद्यथा, एकं द्वे चत्वारि 'अतः ' चतुष्कादूर्ध्व त्वेकाधिका उदयविकल्पास्तावदवगन्तव्या यावदुत्कर्षतो ' दश' दशकमुदयस्थानं भवतीत्यर्थः 1-2-4-5-6-7-8-9-10 / एतानि चानिवृत्तिबादरसम्परायगुणस्थानकादारभ्य पश्चानुपूर्व्या किञ्चिद्भाव्यन्ते तत्र चतुर्णा संज्वलनानामन्यतमस्योदये एकमुदयस्थानम्, तदेव वेदत्रयान्यतमवेदोदयप्रक्षेपे द्विकम् , तत्रापि हास्य-रतिरूपयुगलप्रक्षेपे चतुष्कम्, तत्रैव भयप्रक्षेपात् पञ्चकम्, जुगुप्साप्रक्षेपात् षट्कम्, तत्रैव चतुर्णां प्रत्याख्यानावरणकषायाणामन्यतमस्य प्रक्षेपे सप्तकम्, तत्रैव चाप्रत्याख्यानावरणकषायाणामन्यतमस्य प्रक्षेपेऽष्टकम् , तत्रैव चतुर्णामनन्तानुबन्धिकषायाणामन्यतमस्य प्रक्षेपे नवकम् , तत्रैव मिथ्यात्वप्रक्षेपे दशकम् / एतच्च सामान्येनोक्तम् , विशेष तस्त्वने सूत्रकृदेव सप्रपञ्चं कथयिष्यतीति तत्रैव भावयिष्यते // 11 // तदेवमुक्तान्युदयस्थानानि / सम्प्रति सत्तास्थानानि प्रतिपिपादयिषुराह 1 स० त० व। ततो / 2 सं० 1 त० वरणबन्धा // 3 मुद्रि० विना-°णाम्, चतु // 4 मुद्रि० विना-योः, पञ्च° // 5 गाथेयं सप्ततिकाभाष्ये पञ्चविंशतितमी // 6 म० उदये ठाणाणि नव हुँति / सं. 1 तक यहाणाणि नव हुँति // 7 सं०१त. हनीयस्य // 8 सं० 1 सं० त०म० ख्यानकषा //