________________
જાવિધિ
૨૧૭ સ્થાન પરત્વે પણ કેટલુંક વાતાવરણ તૈયાર થાય છે અને તેને આપણું મન સાથે અવશ્ય સંબંધ રહે છે.
અમે વર્ષોથી અમારા ઓરડામાં એક નિયત સ્થાને બેસી નાનકડા મેજ પર લખીએ છીએ ત્યાં જે વિચારધારાને પ્રવાહ વહે છે, તે સ્થાન બદલતાં વહેતું નથી, એવો અનુભવ અમે અનેક વાર કરેલો છે. વળી મંત્રજપ માટે પણ અમે જે સ્થાન નક્કી કરેલું છે, તે અસાધારણ સંયોગ વિના બદલતા નથી. આથી મંત્રજપ ઘણી સારી રીતે થાય છે. આ વસ્તુ કેટલાકને પ્રારંભમાં નહિ સમજાય, પણ અનુભવે જરૂર સમજાશે. તાત્પર્ય કે મંત્રજપ માટે સ્થાન નિયત કર્યા પછી બને ત્યાં સુધી તેની બદલી કરવી નહિ.
જે સ્થાનમાં બેસીને મંત્રજપ કરવો હોય, ત્યાં તીર્થકર ભગવંતોનાં, તીર્થોનાં તથા નમસ્કારમંત્રનાં ચિત્રો લટકાવેલાં હોય તે ઈચ્છવાયોગ્ય છે. ત્યાં મંત્રદાતા ગુરુનું ચિત્ર પણ મૂકી શકાય. વળી એ સ્થાનને રોજ બે કે ત્રણ વાર વાળીને સાફ કરવું જોઈએ, તથા ત્યાં સવારસાંજ ધૂપ-દીપ આદિ કરવાં જોઈએ, જેથી મન પર ઘણી સુંદર અસર થશે અને મંત્રજપ બહુ સારી રીતે થઈ શકશે. જપને સમય:
નમસ્કારમંત્રનો જપ કરવા માટે ત્રણ સંધ્યાનો સમય ઉત્તમ મનાય છે. સંધ્યા એટલે સૂર્યોદય પહેલાંની તથા પછીની એક ઘડી, મધ્યાન્હ પહેલાંની તથા પછીની એક ઘડી
