________________
ધ્યાનવિધિ
૨૬૫
સાક્ષાત્ વિરાજી રહેલા છે, એમ જ લાગશે અને તે જ ધ્યાનની ખાસ સિદ્ધિ છે.
આ રીતે શ્રી અરિહંત ભગવંતની આકૃતિ મનમાં બરાબર સ્થિર થયા પછી તેમના ચાર મૂલ અતિશયચિંતવવા. જેમકે તેઓ સર્વજ્ઞ તથા સર્વ દશ હેઈ સર્વકાલના સર્વ પદાર્થોનું સ્વરૂપ યથાર્થ પણે જાણે છે. તેઓ પાંત્રીશ ગુણવાળી વિશિષ્ટ વાણીથી સત્ય ધર્મનો ઉપદેશ આપી રહેલ છે અને તે દેવતાઓ, મનુષ્યો તથા તિર્યચે સાંભળી રહ્યા છે. અરિહંત ભગવંતના વિશિષ્ટ અતિશયથી આ ઉપદેશ સહુને પોતપોતાની ભાષામાં સમજાય છે અને તેને મન તથા હૃદય પર ભારે પ્રભાવ પડે છે. વળી તેઓ ત્રિભુવનના સ્વામી છે, એટલે સ્વર્ગ તથા પાતાલના દેવ, ઋષિમહર્ષિએ, રાજા-મહારાજા તથા અન્ય લોકો પણ તેમને ભક્તિભાવથી વંદે છે, પૂજે છે, સત્કારે છે અને સન્માને છે. વિશેષમાં અરિહંત ભગવંતના વિશિષ્ટ અતિશયથી ઈતિ–ભીતિ આદિ સર્વ અપાયોનો અપગમાં થઈ રહ્યો છે અને સર્વત્ર આનંદમંગલ પ્રવતી રહેલ છે.
અહીં એક અનુભવની વાત કહીએ તે ઉચિત જ લેખાશે કે શ્રી અરિહંતદેવના જ્ઞાનાતિશય પર ઊંડું ચિંતન કરતાં આપણું જ્ઞાન વધે છે, વચનાતિશય પર ઊંડું ચિંતન કરતાં આપણે વાણીમાં વિશદતા આવે છે અને તે અનેકનું આકર્ષણ કરે છે. પૂજાતિશય પર ઊંડું ચિંતન કરતાં આપણે સન્માનને પાત્ર થઈએ છીએ અને લોકપ્રિયતામાં વધારે
