________________
मुंहता नेणसीरी ख्यात पातसाह तो पुखता' हुवा छै । कोई एक भतीजो खोळे ल्यो । .. तरै पातसाह कह्यो-'रांणारो भाई खूब छै । वडा घररो छोरू छै'।.. इणनूं हूं मुसलमान कर नै खोहकै लेइस' ।' आ वात मुसकस थपी । (उदैसिंघरा चाकरां आ वात सुणी) उदैसिंघनें खवर हुई । इणे' विचार कर नैं रातरा नास आयो । परभात हुवां' पातसाहन खबर हुई, कह्यो-उदैसिंघ नास गयो। तरै पातसाह तुरत वाँसै चढियो। सतावी गढ आय घेरियो । तरै उदैसिंघ, विक्रमादित्य दोयांन" काढ नै'इणांरी13 मा हाडी करमेती जहर कर वळी । हाडी करमेती साथै इतरी वळी--
१ हाडी करमेती। १ करमेतीरी बेटी १ । खीची भारथीचंद परणाई हुती । १ वैर विक्रमादितरी १, हाडी कला जगमालोतरी वेटी। १ रा. देवीदासरी बेटी । इतरी करमेती साथै वळी । इण मामले18 इतरा रजपूत काम आया१ रावत दूदो रतनसीरो। १ सीसोदियो कमो रतसीरो । १ रावत वाघो सूरमचंदरो। १ हाडो उरजन नरवदरो । १ रावत सतो रतनसीरो । १ रावत वाघो सूरजमलोत । १ सोनगरो मालो, बालारो । इणरो उतन देवळीयारी कांकड़।
१ सोळंकी भैरवदास नाथावत । प्रोळ काम आयो, सु चीतोड़ भैरव प्रोळ कहावै छै ।
१ रावत देवीदास सूजावत20 ।
1 वृद्ध । 2 गोद ले लीजिये । 3 बहुत अच्छा है । 4 बड़े घरका पुत्र है । 5 इसको में मुसलमान बना कर गोद ले लूंगा। 6 तय हुई 17 इसने । 8 भाग कर आ गया। 9 होने पर । 10 शीघ्र ही। 11 दोनोंको । 12 निकाल कर । 13 इनकी। 14 जौहर कर जल गई। 15 व्याहो थी। 16 स्त्री, पत्नी। 17 जगमालका पुत्र । 18 युद्ध में । 19 पोलमें मारा गया अतः वह चित्तोड़ का दरवाजा भैरव-पोल कहलाता है । 20 सूजेका पुत्र ।
