Book Title: Mulshuddhi Prakaranam Part 02
Author(s): Dharmdhurandharsuri, Amrutlal Bhojak
Publisher: Shrutnidhi
View full book text
________________
२४२
मूलशुद्धिप्रकरणम्-द्वितीयो भागः बहुमंगलसंपुण्णं देहं अइविन्ममा गई मंदा निव्वायनयणदिट्ठी मुहकमलं चेव सुपसण्णं ॥२१८॥ पिच्छइ निसासु सुमिणे कमलिणिदलपुडयविमलसलिलेणं । अहिसेयं कीरंतं गएसु अइचारुरूवेसु ॥२१९॥ मणि-दप्पणे विसंते निययमुहं असिवरे पलोएइ । मोत्तूण य गंधव्वं सुणेइ णवरं धणुयसदं ॥२२०॥ चक्खं देइ अणिमिसं, सीहाणं पंजरो यरत्थाणं । एवंविहपरिणामा गमेइ सीया तहिं दियहा ॥२२१॥ एवं नवमे मासे संपुण्णे सवणसंगए चंदे । सावणपंचदसीए सुयाण जुयलं पसूया सा ॥२२२॥ अह ताण वज्जजंघो करेइ जम्मूसवं महाविउलं । गंधव्व-गीय-वाइयपडुपडह-मुयंगसद्दालं ॥२२३॥ पढमस्स कयं नामं अणंगलवणो अणंगसमरूवो । तस्स गुणेसु सरिच्छो बीओ मयणंकुसो नामं ॥२२४॥ अह ते दोन्नि वि कुमरा पवड्डमाणा कमेण संजाया । नीसेसकलाकुसला बहुजणमणकयचमक्कारा ॥२२५॥ संपत्ता य कमेणं बहुकामिणिजणमणोहरमुयारं ।। नीसेसविलाससहं तारुण्णमणंगकुलभवणं ॥२२६॥ अह वज्जजंघराया भोगसमत्थे इमे वियाणेउं । पाणिग्गहणनिमित्तं निरूवए ताण कण्णाओ ॥२२७।। लच्छीमईए धूया ससिचूला नाम उत्तमा कण्णा । बत्तीसकण्णयजुया पढमस्स निरूविया रण्णा ॥२२८॥ बीयस्स निमित्तेणं पिहूनरिंदस्स संतियं कण्णं । नामेण कणयमालं सुमरिय दूयं विसज्जेइ ॥२२९॥ सो जंपइ पिहुरायं 'देव ! अहं वज्जजंघनरवइणा । पट्ठविओ तुह पासे इमेण कज्जेण निसुणेसु ॥२३०॥ १. सं.वा.सु. णं कामिणिजणमणमणो || २. ला. लच्छिम ॥
Page Navigation
1 ... 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348