Mulshuddhi Prakaranam Part 02

Author(s): Dharmdhurandharsuri, Amrutlal Bhojak
Publisher: Shrutnidhi

Page 320

३०९
मूलशुद्धिप्रकरणम्-द्वितीयो भागः
कंठे विलग्गिऊणं विमुक्तकंठं अणेगहा रुण्णा । राया वि हु सोगत्तो संठवइ जलाविलच्छीओ ॥७१॥ ण्हविओ पुष्फसिरीए भणइ तयं भोयणावसाणम्मि । "भद्दे ! कुण संबलयं जोगं कुमराण नणु किं पि ॥७२॥ जेणऽप्पिऊण एए दो वि सुहहाए तं गवेसामि । जइ लद्धा तो जीयं महऽण्णहा निच्छयं मरणं" ॥७३॥ निवनिच्छयं मुणेउं कुणइ इमा संबलं तओ राया । कुमरे घेत्तुं चलिओ पच्चूसे सा वि दुक्खत्ता ॥७४॥ वलिया वोलावेउं राया वि हु जाइ अग्गओ कुमरं । अंगुलियाए लाइय जेटुं लहुयं करिय कंधे ॥७५॥ कम्मवसेण य एसो बहुसावयजूहसंकुले विसमे । गिरि-तरु-सरिसंघट्टे, पडिओ भीमे महारण्णे ॥७६॥ तत्तो वियालसमए पन्नूरं अत्थरेइ नरनाहो । एगत्थ तरुतलम्मी वीसमणट्ठाए पह खिण्णो ॥७७॥ पुणरवि जणणि सरिठं 'अम्मो ! अम्मो ! पयंपिरे कुमरे । दटुं सोयप्पुण्णो राया भणिउं समादुत्तो ॥७८॥ "हा देवि ! इमे बाला अइभोला सयलगुणगणविसाला । कस्स (त्थ?)तए नणु मुक्का अहं च अइनेहसंबद्धो ? ॥७९॥ हा देवि ! कत्थ सि गया ? मह विरहे कहवि धारिहिसिपाणे ? । लब्भिसि किं वाऽणत्थं ? किं वा वि गया दिसाभागं?" ॥८॥ इय एवं सोयंतो जा सोवइ ते कुमारए ताव । सहस त्ति अंबरतलं अप्फुण्णं जलयवलएहिं ॥८१॥ गज्जियरवेण समयं चमक्किया विज्जुला खणद्धेण । अह वरसिउं पवत्ता जलया अइगरुयधाराहिं ॥८२॥ निवई वि सुए तणुणा वत्थेहिं य आवरित्तु संठाइ । मेहा वि सयलरयणि वरसिय थक्का पभायम्मि ॥८३॥
१. ला. किंचि ॥ २. सं.वा.सु. जीयं न अण्णहा ॥ ३. सं.वा.सु. 'कले रणे । गि।