Mulshuddhi Prakaranam Part 02

Author(s): Dharmdhurandharsuri, Amrutlal Bhojak
Publisher: Shrutnidhi

Page 324

३१३
मूलशुद्धिप्रकरणम्-द्वितीयो भागः
एवं चिटुंताणं सुहेण कुमराण रायपासम्मि । अह अन्नया कयाइ वसंतमासो समणुपत्तो ॥१२३॥ घोसावियं च रण्णा पडहयसद्देण सव्वनयरम्मि । जह 'सव्वो वि हु लोगो कील उज्जाणमाईसु' ॥१२४॥ सयमवि उज्जाणत्यो कुमरसमेओ विसिट्ठकीलाहिं । चिट्ठइ अभिरममाणो पिच्छंतो नाडयसयाई ॥१२५॥ एत्तो वि य सो संखो अभयसिरीए समण्णिओ जंतो । वहणेण समुद्दम्मी परकूलम्मी समणुपत्तो ॥१२६॥ बब्बर-पारसकूले सुवण्णभूमीतियालबहुतित्थे । वज्जरयमाइएसुं बारस वरिसाणि भमिऊण ॥१२७॥ पत्तो तम्मि पुरम्मी परमणिखेडम्मि विविहपणियाण । भरिऊणं वरवहणं देवीए समं विभूईए ॥१२८॥ लंबावियं च वहणं वेलाकूलम्मि नंगरसिलाहिं । देवीए वि य भणिओ एगो पुरिसो जहा पुत्त ! ॥१२९॥ जंइ कहवि जाइ संखो पउमिणिखेडम्मि तो मह कहिज्ज" । तेण वि भणियं 'सामिणि ? एयं तं परमिणीखेडं ॥१३०॥ एत्थंतरम्मि संखो थालं भरिऊण विविहरयणाणं । जाइ निवदंसणत्थं सहसा तत्थेव उज्जाणे ॥१३१॥ तो दिट्ठो नरनाहो उवविट्ठो पिच्छणम्मि रम्मम्मि । संखो वि तयक्खित्तो वियालवेलं ठिओ जाव ॥१३२।। गेहम्मि पत्थिएणं भणिओ संखो निवेण वच्चंतो । "सिट्टि ! तुमं पाहुणओ अम्हाणं होसु अज्ज' त्ति ॥१३३॥ संखेण तओ भणियं "एवमिणं किंतु मज्झ बोहित्थं । भगिणीए समं सुण्णं होही ता को वि पच्चइओ ॥१३४॥ पेसिज्जउ तत्थ" तओ रण्णा ते दो वि पेसिया कुमरा । आएसो त्ति भणित्ता झत्ति गया तम्मि वहणम्मि ॥१३५॥
१. ला. 'ण नयरमज्झम्मि ॥ मूल. २-४०