Mulshuddhi Prakaranam Part 02

Author(s): Dharmdhurandharsuri, Amrutlal Bhojak
Publisher: Shrutnidhi

Page 329

३१८
मूलशुद्धिप्रकरणम्-द्वितीयो भागः
तो भेसिऊण एए एक्कक्कं गिहिऊण ते दो वि । पत्ता गिहम्मि चवले दलु तुब्भे वि तुट्ठाई ॥१८७॥ ताणि वि पुत्त विओए कंदंती वानराइं तो तुज्झ । गोवेहि तयं सिटुं करुणावन्नाए तुमए वि ॥१८८॥ भणिया कुमरा "पुत्तय ! मुंचह एए तर्हि चिय जओ उ । अइदुक्खिया इमेसि जणया तेहिं पि तत्थेव ॥१८९॥ नेऊणं परिमुक्का मिलिया जणयाण बारसमपहरे । इयचरियाई चिट्ठह जा तुब्भे धम्मरहियाइं ॥१९०॥ ताव य तुम्ह घरम्मी अह एक्को मुणिवरो समणुपत्तो । विहरंतो तुब्भेहिं वि भणिओ 'मुणि ! भणसु नियधम्म' ॥१९१॥ भिक्खागयाण जइ वि हुन कप्पए जंपिउं बहुं तह वि । नाऊण बहुगुणकरं सो अक्खइ तुम्ह जिणधम्मं ॥१९२॥ तं सोऊणं तुब्भे अहियं सद्धम्मभावियमणाई । चत्तारि वि पडिवज्जह सावयधम्मं अणण्णसमं ॥१९३॥ पडिलाहह भत्तीए य तं मुणि भत्त-पोत्त-पत्तेहिं । विगए य तम्मि चिट्ठह तग्गुणगणरंजियमणाई ॥१९४॥ एत्थंतरम्मि पव्वा इयाउ पत्ताउ तिण्णि तुह पासे । एगा तुह माउसिया दोण्णि उधूयाउ तस्सेव ॥१९५॥ ताण तुमे जिणधम्मो कहिओ जह साहुणा विणिद्दिट्ठो । कम्मखओवसमेण य ताण वि सो परिणओ सम्मं ॥१९६॥ भणियं च ताहिं 'तुब्भे धण्णाई जेहिं पाविओ धम्मो । अम्हे अज्ज प्पभिई दुदसंगमिमं करिस्सामो' ॥१९७॥ इय वोत्तूणं ताओ तिण्णि वि पत्ताउ निययठाणम्मि । इइ पालिऊण धम्मं गयाणि सव्वाणि सुरलोगं ॥१९८॥ तत्तो चवित्तु इहइं जायाणि पुणो वि तह य मिलियाणि । जा गुणमाला सा तं राया वि इमो निवो जातो ॥१९९॥
१. ला. य ॥ २. ला. अम्हे वि अज्जपभिई॥