Mulshuddhi Prakaranam Part 02

Author(s): Dharmdhurandharsuri, Amrutlal Bhojak
Publisher: Shrutnidhi

Page 328

मूलशुद्धिप्रकरणम्-द्वितीयो भागः
तो जंप सूरिवरो “भद्दे ! निसुणेहि अण्णजम्मम्मि । सुहातलम्मि नयरे, आसि निवो सिद्धसेणो त्ति ॥१७४॥ अण्णो वि तत्थ निवसइ भीमो नामेण ठक्कुरो तस्स । भज्जाए धारिणीए धूया तं आसि गुणमाला ॥ १७५ ॥ रूवाइगुणगणजुया संपत्ता जाव जोव्वणं ताव । जणी तुमं दिण्णा नियभाइसुयस्स संखस्स ॥ १७६ ॥ जणएण तमवगण्णिय दिण्णा तं सिद्धसेणनरवइणो । परिणीया य कमेणं भुंजसि भोए अणण्णसमे ॥ १७७॥ सो वि हु माउलभाया अभिमाणधणो इमं विचिते । 'हंत ! मए भोत्तव्वा अवहरिऊणं इमा बाला' ॥१७८॥ रण्णा वि अग्गमहिसी तुमं कया नेय पावियं छिद्दं । संखेण तओ एसो अन्नाणतवं बहुं कुणइ ॥ १७९॥
पत्ते य मरणसमए नियाणमेवंविहं इमो कुणइ । " जइ अत्थि तवस्स फलं इमस्स तो अन्नजम्मे वि ॥ १८० ॥
जह अवहरामि एवं इमस्स पासाउ तह हविज्जामि" । इय चिंतिऊण मरिठं सो आई वंतरो जाओ || १८१ ॥
अह अण्णया य तुमए कीलंतीए नरिंदजुत्ताए । भवणुज्जाणसिरीए दिट्ठाई चक्कवायाई ॥१८२॥ रइकेलिपसत्ताइं धणियं अण्णोण्णबद्धनेहाइं । एगत्थ रमंताई उड्डावित्ताणि सहस त्ति ॥ १८३॥ विच्छोइयाई तुमए मयणुम्मत्ताइ केलिकलियाए । रण्णा वि तओ भणियं 'देवि ! कयं सुट्टु सुट्टु' त्ति ॥ १८४॥ ताणि विकुरुलंताई चिरेण मिलियाई तुज्झ वि कमेण । संजाया दुणि सुया कुसला बाहत्तरिकलासु ॥१८५॥ कइया वि तेहिं दोहिं वि कीलाहेडं गएहिं उज्जाणे । वानरडिंभा दुन्निउ दिट्ठा जणयाण पासम्मि ॥१८६॥
१. ला. वसुहाजलम्मि ॥ २. ला. 'या देवि ! सुया ॥
३१७