Mulshuddhi Prakaranam Part 02

Author(s): Dharmdhurandharsuri, Amrutlal Bhojak
Publisher: Shrutnidhi

Page 321

३१०
मूलशुद्धिप्रकरणम्-द्वितीयो भागः सीएणं वाएणं विज्झडिओ जलपवाहवुडियंगो । ॐ सूरुग्गमम्मि चिक्खल्लबोले(लि)ए खो(खा)लिय कुमारे ॥८४॥ जा जाइ अग्गओ नीरपूरसंपूरियम्मि मग्गम्मि । ता पेच्छइ पूरेणं समागयं गिरिनइं पुरओ ॥८५॥ तो चिंतइ तत्थ निवो 'कह नित्थरिहामि नणु इमं सरियं ? । हुँ एक्ककं कुमरं तरिऊणं नेमि परतीरं' ॥८६॥ तो संठाविय जेटुं लहुयं घेत्तुं तरित्तु परकूले । ठविऊण जा नियत्तइ ता कहवि हु ठाइ नो बालो ॥८७॥ तं रुक्खे संजमिउं नईए मज्झम्मि देइ सो झंपं । तत्थ विलग्गाउ तले अदिस्समाणम्मि जंघाओ ॥८८॥ सुक्कयरुक्खम्मि तओ तेण वि सो वुब्भिउं समाढत्तो । तं दट्ठणं कुमरा विलवहि 'हा ताय ! ताय !' त्ति ॥८९॥ दूरं गए नरिंदे उभयतडट्ठा विओइया कुमरा । कुरुलंति दो वि अहियं रयणीए जहा रहंगाई ॥१०॥ चितइ अभग्गसेणो ‘हा हा किं एरिसंम्ह संजायं । जं आसि एगमच्छि तं पि हु उप्पाडियं विहिणा' ॥११॥ ते विलवंते दटुं सिरिसेणो चिंतई य "हा दिव्व ! । किं अइदारुणमेयं विहियमवत्थंतरं मज्झ ? ॥१२॥ जइ ता रज्जब्भंसो दिव्व ! कओ मज्झ नणु अउण्णस्स । ता कि परकम्मकरी मालागारी कया देवी ? ॥९३।। जइ ता तयं पि विहियं ता कि अवरं विणिम्मियं एयं ? । जं तीए समं विरहो चिंतिज्जंतो वि दुव्विसहो ॥९४॥ जइ ता तीए वि समं नणु विरहो मह कओ तए दिव्व ? | ता किं सुएहि समयं एवमयंडे विसंघडिओ ? ॥१५॥ जइ ता विओइओऽहं सुएहिं तो किं थ मज्झ पच्चक्खं । एए वि हु दो तणए निग्घिण ! विहडा विया एवं ? ॥१६॥
१. स्वस्तिकद्विकमध्यगः पाठो ला. संज्ञकप्रतावेवोपलब्धः ॥ २. ला. तं दृट्टणं चिंतइ 'कह ॥