Book Title: Mulshuddhi Prakaranam Part 02
Author(s): Dharmdhurandharsuri, Amrutlal Bhojak
Publisher: Shrutnidhi
View full book text
________________
२३६
मूलशुद्धिप्रकरणम्-द्वितीयो भाग:
सा पिच्छिऊण पुरिसे बहवे सन्नद्धबद्धतोणीरे । भयविहलवेविरंगी ताणाऽऽभरणं पणामेइ ॥१४०॥ तेहिं वि सा पडिभणिया 'किं अम्ह विभूसणेहि एएहिं । चिटुंतु तुज्झ लच्छी ववगयसोगा इओ होहि ॥१४१॥ .. पुणरवि भणंति "सुंदरि ! मोत्तुं सोगं भयं च एत्ताहे। जंपसु सुपसण्णमणा किं न मुणसि नरवई एयं ॥१४२॥ पुंडरियपुराहिवई सो य इहं वज्जजंघनरवसभो । चारित्त-नाण-दसणबहुगुणनिलओ जिणमयम्मि ॥१४३॥ संकाइदोसरहिओ निच्चं जिणवयणगहियपरमत्थो । पडिवण्णयसोडीरो सरणागयवच्छलो वीरो ॥१४॥ दीणाईणं च पुणो विसेसओ कलुणकारणुज्जुत्तो। पडिवक्खगयमयंदो सव्वकलाणं च पारगओ ॥१४५॥ एयस्स अपरिमेया देवि ! गुणा को इहं भणिउकामो । पुरिसो सयलतिहुयणे जो य महाबुद्धिसंपण्णो ?" ॥१४६।। जाव य एसाऽऽलावो वट्टइ तावाऽऽगओ नरवरिंदो । अवयरिय करेणूतो करेइ विणयं जहाजोग्गं ॥१४७॥ तत्थ निविट्ठो जंपइ 'वज्जमओ सो नरो न संदेहो । इह मोत्तुं कल्लाणी(णि?) जो जीवंतो गओ सगिहं' ॥१४८॥ ऐत्यंतरे पवुत्तो मंती सच्चाविऊण जणयसुयं । "नामेण वज्जजंघो एसो पुंडरियपुरसामी ॥१४९।। पंचाणुव्वयधारी वच्छे ! सम्मत्तउत्तमगुणोहो । देव-गुरुपूयणरओ साहम्मियवच्छलो धीरो" ॥१५०॥ एवं चिय परिकहिए सीया तो पुच्छिया य नरवइणा । 'साहेह कस्स दुहिया ? कस्स व महिला तुमं लच्छी ? ॥१५१॥ जं एव पुच्छिया सा सीया तो भणइ दीणमुहकमला ।
"अइदीहा मज्झ कहा संपइ निसुणेहि संखेवं ॥१५२॥
१. सं.वा.सु. तुज्झ ॥ २. सं.वा.सु. तु ।। ३. सं.वा.सु णनिचओ ॥ ४. ला. धीरो ॥ ५. सं.वा.सु. एत्यंतरं ॥ ६. सं.वा.सु. “कहिए ॥ ७. ला. कहा नरवइ ! नि |
Page Navigation
1 ... 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348