Mahapurana Part 1

Author(s): Pushpadant, P L Vaidya
Publisher: Bharatiya Gyanpith

Page 458

३७२
महापुराण
[१६.१९.९ करिसूयररहवरडिंभयरह
पर णिहणमि रणि जे वि महारह । भरहु हर: किं मज्झु भुयाभरु तई चुक्कइ जइ"सुयरइ जिणवरु । घत्ता-तहु मेइणि महु पोयणणयरु आइजिणिंद दिण्णउं ॥
अभिडउ पडउ असि सिहिसिहहिं जइ ण सरइ 'पडिपवण्णउं ॥१९॥
आरणालं-ता दूएण जंपियं किं सुविप्पियं भणसि भो कुमारा।
बाणा भरहपेसिया पिंछभूसिया होति दुण्णिवारा ॥१॥ पत्थरेण किं मेरु दलिन्नइ किं खरेण मायंगु खलिज्जइ । खेज्जोएं रवि णित्तेइज्जइ
किं घुटेण जलहि सोसिंजइ । गोप्पएण किं णहु माणिजइ अण्णाणे किं जिणु जाणिज्जइ । वायसेण किं गरुडु णिरुज्झइ णवकमलेण कुलिसु किं विज्झइ । करिणा कि मयारि मारिजइ किं वसहेण वग्घु दारिजइ । किं हंसें ससंकुधवलिजइ किं मणुएण कालु कवलिजइ । डेंडुहेण किं सप्पु डसिज्जइ किं कम्मेण सिधु वसि किज्जइ । किं णीसासें लोउ णिहिप्पइ किं पई भरहणराहिउ जिप्पइ । घत्ता-हो होउ पहुप्पइ जंपिएण राउ तुहुप्परि वग्गइ ।
करवालहिं सूलहिं सब्वलहिं परइ रॅणंगणि लग्गइ ॥२०॥
२१ आरणालं-ता भणियं सहेउणा मयरकेउणा एत्थ कहिं मि जाया।
जे परदविणहारिणो कलहकारिणो ते जयम्मि राया ॥१॥ वुड्ढउ जंबुउ सिवे सहिजइ एण णाई महु हासउ दिजइ । जो बलवंतु चोरु सो राणउ णिब्बलु पुणु किज्जइ णिप्राणउ । हिप्पइ मृर्गेहु मृगेण जि आमिसु हिप्पइ मणुयहु मणुएण जि वसु । रक्खाकंखइ जूहु रएप्पिणु एकहु केरी आण लएप्पिणु । ते णिवसंति तिलोईंगविट्ठउ सीहहु केरउ वंदु ण दिट्ठउ । माणभंगि वर मरणु ण जीविउ एहउ दूय सुट्ठ मई भाविउ ।
आवउ भाउ घाउ तहु दंसमि संझाराउ व खणि विद्धंसमि । ७. MBPT भरइ । ८. M भुयातरु; T भुयाहरु बाहुसामर्थ्यम् । ९. MBP ता । १०. M सुमरइ ।
११. MBP पडिवण्णउं। २०. १. MBPK किं खज्जोएं । २. P सोखिज्जइ । ३. P मण्णिज्जइ। ४. MBP डिंडहेण । ५. MBP
भरहु । ६. MBP पहुच्चइ । ७. K रणंगणु मग्गइ । २१. १. MBP सिउ। २. M णिब्बल । ३. MBP णिप्पाणउ । ४. MBP मिगह मिगेण । ५. MRE
वह । ६. B तिलोउ । ७. MBP विदु । ८. MBP वरि। ९.M भामिउ । १०. MBPK राउ Gus but writes above it 13 in second hand.