________________
લબિ તણા ભંડાર
સભાની સુસંવાદિતા ! વળી વચમાં સર્વશપણાનો વિચાર આવતા અને પોતે વાદમાં વાદીને પરાજિત કરવા નીકળ્યો છે તેવો ખ્યાલ રાખી આગળ વધવા લાગ્યો. દૂરથી તેણે સિંહાસન પર બિરાજમાન ભગવાનને જોયા!
અરે ! આ બ્રહ્મા છે? ના, આનું રૂપ તો અલૌકિક છે. વિષ્ણુ છે? ના, આ તો અસંગ છે !
તો શું આ સૂર્ય છે? ના સૂર્યની કાંતિ સામે જોઈ શકાતું નથી, અને આ તો સૌમ છે !
તો શું આ ચંદ્ર છે? ના, ચંદ્ર તો કલંક સહિત છે અને તેમનો દેહ તો સપ્રમાણ, કંચનવર્ણો અને લંકરહિત છે.
તો શું આ મેસ છે? ના, મેરુ તો કઠણ છે આ તો અત્યંત કોમળ છે.
ઇન્દ્રભૂતિ કંઈક ક્ષોભ અને આશ્ચર્યસહ વિચારવા લાગ્યા કે, ખરેખર લોકો કહેતા હતા તેવા રૂપવાન છે. તેમની વાણીનો વૈભવ પણ કેવો અનુપમેય છે. તેમની ઉપસ્થિતિ કેવી નિર્મળ અને નિર્દોષ છે જ્યાં પશુઓ પણ નિર્ભય અને નિશ્ચિત થઈ બેઠાં છે !
યજ્ઞમાં હાજર રાખવામાં આવતાં પશુઓને દયાર્દ્ર કોલાહલ ક્યાં અને આ નિર્ભયતા ક્યાં?
ઇંદ્રો તથા દેવો પણ કેવા આનંદિત જણાય છે ! તેમનું સિંહાસન કોઇ તપસ્વી માંગી લેશે તેવી લેશ પણ ચિંતા વગરના તેઓ જણાય છે.
ખરેખર કોઈ મહાન જાદુગર લાગે છે. વળી અંદરથી સાવધાન થઈને વિચારવા લાગ્યો કે, હે ઇન્દ્રભૂતિ ! તું સર્વજ્ઞ છું વાદીને જીતવા નીકળ્યો છું. શત્રુના ગુણગાન ગાવાનો આ સમય નથી. આવા ઈનિજાલિકથી ભરમાઈ જાય તે ઇન્દ્રભૂતિ નહિ. અને વળી વાદમાં કેમ જીતવું તેના તરંગમાં અટવાઈ ગયો.
સમવસરણની પર્ષદાનો સર્વોત્કૃષ્ટ વૈભવ, અને ભગવાનની નિર્મળ દૃષ્ટિ તથા આત્મવૈભવ નિહાળીને તે દ્વણભર ક્ષોભ પામી ગયો અને મનમાં વિચારવા લાગ્યો કે મેં ખરેખર એક દુઃસાહસ ઊભું કર્યું છે.
Jain Education International
For Private & Personal Use Only
www.jainelibrary.org
