________________
લધિ તણા ભંડાર ઉપર અનેરો આનંદ વર્તાતો હતો ! તેમણે ઘરમાં પ્રવેશ કર્યો. શિવાનંદા પત્ની રાહ જોતી હતી. આનંદને જોતા, શિવાનંદા સાશ્ચર્ય તેમના મુખકમળને પ્રશ્નસૂચક દૃષ્ટિએ નિહાળી રહી!
આનંદે કહ્યું કે હે શિવા ! આજે તો મને અપૂર્વ લાભ મળ્યો છે. પ્રભુની દેશના સાંભળવાનો સુયોગ સાંપડયો. અને વળી પ્રભુ પાસે બાર વ્રત ધારણ કરવાનો મહાઅવસર પ્રાપ્ત થયો. આ સર્વ હકીકત કહેતાં કહેતાં આનંદનો ભાવોલ્લાસ કંઈ અનેરો હતો.
વ્રતધારી થવું અને દૃઢતા સાથે સઉલ્લાસ તેમાં પ્રર્વતવું તેમાં પ્રભુની આશાનું મહત્ત્વ છે. મહાજ્ઞાની એવા પ્રભુના ઉપદેશથી તે પાવન થયા હતા.
શિવાનંદા આ સર્વ હકીકત સાંભળી પતિ સાથે પોતે પણ આ વ્રત પાલન કરશે તેવા ઉત્સાહથી બીજા દિવસના સુપ્રભાતની રાહ જોવા લાગી અને તે પ્રમાણે તેણે પણ ભગવાન પાસે બાર વ્રતનો યથાશક્તિ સ્વીકાર કર્યો.
બાર વ્રતના ગ્રહણ પછી આ દંપતીનાં જીવનની દિશા પલટાઈ ગઈ ! શ્રીમંતાઈ છતાં તેમણે સાદાઈ સ્વીકારી. પરિવારની વિશાળતાને ગૌણ કરીને અનાસક્ત બની ગયાં. વ્યાપારનો સંક્ષેપ કરીને જીવનને સંતોષથી અમૃતમય બનાવ્યું.
આમ અનેકવિધ ધર્મના સંસ્કારોથી તેઓ આત્મવિકાસને પંથે આગળ વધતાં હતાં. ' પ્રભુના ચાર્તુમાસની સ્થિરતા સમયે આ દંપતી પ્રભુ-દેશનાથી ધર્મના રંગે સવિશેષ રંગાતાં ગયાં. પ્રભુના ધર્મપરિવારમાં તેઓ ઉત્તમ શ્રાવકોની ગણનામાં પ્રસિદ્ધ થયાં.
વ્રત ધારણમાં દિન-પ્રતિદિન જીવનસાધના ઉત્કટ અને ઉત્કૃષ્ટ બનતી હતી. પ્રભુનું સાનિધ્ય, દેશના અને પોતાનાં તે પ્રત્યેના સન્ પુરુષાર્થથી
Jain Education International
For Private & Personal Use Only
www.jainelibrary.org
