________________
લબ્ધિ તણા ભંડાર
આમ જડ એવાં કર્મોમાં જીવનાં શુભાશુભ પરિણામ પ્રમાણે પરિણમવાની એક સ્વયં શક્તિ છે. અજ્ઞાન દશામાં કરેલાં શુભાશુભ કર્મોનું પરિણામ સમય પરત્વે મળ્યા કરે છે. એક માણસને ખબર નથી કે આ બાટલી દવાની છે કે કોઇ ઝેરી પદાર્થની છે. તે દવા સમજીને પી લે તો પણ ઝેર તેનું ફળ આપી દે છે, અને અમૃત પીએ તો તેનું ફળ પ્રાપ્ત થાય છે. તેમ શુભાશુભ કર્મનાં ફળનું એક સાતત્ય સંસારમાં જીવમાત્રને રહ્યા કરે છે. અને તેથી હિંસાદિ દુષ્ટ કર્મો દ્વારા અશુભ કર્મનો બંધ થાય છે, અને દાનાદિ દ્વારા શુભ કર્મનો બંધ થાય છે અને તે તે કર્મો તે પ્રમાણે ફળ આપે છે.
આ પ્રમાણે પ્રભુના વચન શ્રવણથી અગ્નિભૂતિનો સંશય નષ્ટ થતાં તે તરત જ પ્રભુ પાસે પોતાના પાંચસો શિષ્યો સહિત દીક્ષિત થયા. તે ભગવાનના બીજા ગણધર થયા.
ગૌતમ શ્રી ઇન્દ્રભૂતિ અને અગ્નિભૂતિ ભગવાનથી દીક્ષિત થયા તે સમાચાર બાકીના નવ પંડિતોને મળ્યા. તેમણે વિચાર્યું કે સમર્થ એવા બંને ભાઈઓ જો સર્વજ્ઞ ભગવાન મહાવીરના શિષ્ય થાય તો અમારું માનેલું સર્વજ્ઞપણું પોકળ હોવું જોઇએ. માટે આપણે પણ તેમનું શિષ્યતત્ત્વ સ્વીકારીએ તો આપણા સંશય દૂર થઇ આપણો ઉધ્ધાર થવા સંભવ છે. આમ વિચારી બાકીના નવ પંડિત ક્રમમાં પ્રભુના જ્ઞાન પ્રત્યે આકર્ષાયા અને સમાધાન પામ્યા.
ભગવાન પણ જાણતા હતા કે આ સર્વે ભલે સર્વજ્ઞ નથી પણ શાસ્ત્રજ્ઞ છે. સમજવાના અર્થો છે. શંકાનું સમાધાન થાય તો ધર્મપ્રભાવના કરે તેવા છે.
૩. વાયુભૂતિનું શંકાસમાધાન
“હે વાયુભૂતિ ! તને શંકા છે કે આ શરીર એ જ આત્મા છે કે શરીરથી ભિન્ન આત્મા છે ? તું વેદનાં વાક્યોના પરસ્પરના સમન્વયને સમજયો નથી. આત્માના જ્ઞાનઉપયોગમાં વિજ્ઞાનમાં જે પદાર્થો જણાય છે
પર
Jain Education International
For Private & Personal Use Only
www.jainelibrary.org
