________________
११२
भिक्ख दृष्टांत ___२९४. म्हारै करणी सूं काई केई अजाण कहै-म्हे तो ओघा मुहपती नै वांदां । म्हारै करणी सू काई काम।
तिण ऊपर स्वामीजी बोल्या-ओघा नै वांद्यां तिरै तौ ओगौ तो है है ऊंन रौ अनै ऊंन होवै है गाड़र नी । जो ओघा नै वांद्यां तिरै तौ गाडर नां पग पकरणा-धिन है माता तूं सो थारो ओगौ पैदास हुव है।
___ अनै मुहपती ने वांद्यां तिरै तौ मुहपती तौ होवै है कपास री अनै कपास हुवै वण रौ । जो मुहपती नै वांद्यां तिरै तौ। वण नै नमस्कार करणौ-धन्य है सो थारी मुहपती हुवै है।
२९५. माहै तांबो ने ऊपर रूपो कोई कहै-ए भेषधारी दोष लगावै तौ पिण ग्रहस्थ विचै तो आछा है। तिण ऊपर स्वामीजी दृष्टत दीयौ-एक साहूकार नी हाटे प्रभाते कोई पइसो लेई आयौ। कहै साहजी पइसा रौ गुळ है ? जद तिण पइसौ लेई वांदनै उरहो लीयो । गुळ दे दीयौ । जाण्यौ प्रभाते तांबा नाणा री बोहवणी हुई।
दूजे दिन रुपीयौ लेई आयौ । कहै साहजी रुपीया रा टका है । जद तिण रुपीया लेई वांदनै उरहो लीयौ । टका गिण दीया । मन मै राजी हुऔ आज रूपा नाणा रौ दर्शन हो।
तीजै दिन खोटौ रुपीयो लेई आयौ । कहै साहजी रुपइया रा टका है ? जद ते राजी होय बौल्यौ-म्हारै काल को गराक आयौ । रुपीयौ हाथ मै लेई देखै तो खोटौ । माहे तांबो नै ऊपर रूपो। अलगौ न्हांख नै बोल्यौ-प्रभाते खोटा नांणा रौ दर्शन हुऔ।
जद ऊ बोल्यौ -- साहजी वैराजी क्यूं हुआ। परसूं तो म्है पइसो आण्यौ सो तांबो नांणौ वांद्यौ। काले रुपीयौ आण्यौ सो रूपो नाणौ बांद्यौ । अनै इणमै तौ तांबौ रूपो दोन है सो दोय वार वांदो ।
जद ऊ बोल्यौ-रे मूरख ! पर तौ एकलौ तांबो हो सो ठीक । काले एकलौ रूपो हो सो विशेष चोखौ । उवे तौ न्यारा-न्यारा हा । तिण सूं खोटा नहीं । अन इणरै माहै तौ तांबो अनै ऊपर रूपा रौ झोळ तिण सूं ए खोटो। ए काम रौ नहीं।
इण दृष्टते पइसा समान तौ ग्रहस्थ श्रावक । रुपीया समान साधु । खोटा रुपीया समान भेषधारी । ऊपर भेष तौ साध रो नै लखण ग्रहस्थ रा। ए खोटा नांणा सरीषा। नां तो साध में नां ग्रहस्थ मै अधबेर । ए बांदवा जोग नहीं श्रावक ही प्रशंसवा जोग आराधक । साधु ही प्रशंसवा जोग आराधक । पिण खोटा नांणा रा साथी भेषधारी आराधक नहीं।
