Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 7

अज्झयणं-१, उद्देसो
सरण सव्वदुक्ख-निम्महण-परम-निव्वुइकरस्स णं पवयणस्स परम पवित्तुत्तमस्सेति I]
[१२] एसा विज्जा सिद्धतिएहिं अक्खरेहिं लिखिया, एसा य सिद्धतिया लीवी । अमुणियसमयसब्भावाणं सुयधरेहिं णं न पण्णवेयव्वा । तह य कुसीलाणं च |
[५३] इमाए पवर-विज्जाए सव्वहा उ अत्ताणगं ।
अहिमंतेऊण सोवेज्जा खंतो दंतो जिइंदिओ ।। [५४] नवरं सुहासुहं सम्मं सिविणगं समवधारए ।
जं तत्थ सिविणगे पासे तारिसगं तं तहा भवे ।। [१५] जइ णं सुंदरगं पासे सिमिणगं तो इमं महा ।
परमत्थ-तत्त-सारत्थं सल्लद्धरणं मणेत्तणं ।। [५६] देज्जा आलोयणं सुद्धं अट्ठ-मय-द्वाण-विरहिओ ।
रंजेंतो धम्मतित्थयरे सिद्धे लोगग्ग-संठिए ।। आलोएत्ताण नीसल्लं सामन्नेण पुणो वि य ।
वंदित्ता चेइए साहू विहि-पुव्वेण खमावए || [५८] खामेत्ता पाव-सल्लस्स निम्मूलुद्धरणं पुणो ।
करेज्जा विहि-पुव्वेणं रंजेंतो ससुरासुरं जगं ।। [५९] एवं होऊण नीसल्लो सव्व-भावेण पुनरवि ।
विहि-पुव्वं चेइए वंदे खामे साहम्मिए तहा ।। [६०] नवरं जेण समं वुत्थो जेहिं सद्धिं पविहरिओ ।
खर-फरुसं चोइओ जेहिं सयं वा जो य चोइओ ।। [६१] जो वि य कज्जमकज्जे वा भणिओ खर-फ
पडिभणियं जेण वी किंचि सो जइ जीवइ जई मओ || खामेयव्वो सव्व-भावेणं जीवंतो जत्थ चिट्ठइ । तत्थ गंतूण विनएण मओ वी साहसक्खियं ।। एवं खामण-मरिसामणं काउं तिह्यणस्स वि भावओ |
सुद्धो मन-वइ-काएहिं एयं घोसेज्ज निच्छिओ ।। [६४] खामेमि अहं सव्वे सव्वे जीवा खमंतु मे ।
मित्ती मे सव्वभूएसं वे मज्झं न केणई ।। [६५] खमामि हं पि सव्वेसिं सव्व-भावेण सव्वहा ।
भवभवेसु वि जंतूणं वाया-मनसा य कम्मुणा ।। [६६] एवं घोसेत्तु वंदिज्जा चेइय-साह विहीय उ ।
गुरुस्सावि विही-पुव्वं खामण-मरिसामणं करे ।। [६७] खमावेत्तु गुरुं सम्मं ताण-महिमं स-सत्तिओ |
काऊणं वंदिऊणं च विहि-पव्वेण पुणो वि य ।।
[६८] परमत्थ-तल-सारत्थं सल्लुद्धरणमिमं सुणे । दीपरत्नसागर संशोधितः]
[३९-महानिसीह
[6]