Agam 05 Ang 05 Bhagvati Vyakhya Prajnapti Sutra Part 01

Author(s): Bechardas Doshi, Amrutlal Bhojak
Publisher: Mahavir Jain Vidyalay

Page 464

४०५
सु० ५०-६१] अट्टण्हं कम्मपगडीणं सहभाववत्तव्वया
[मु. ५८. गोयस्स अंतराइयपगडीए सहभाववत्तव्यया] .
५८. जस्स णं भंते ! गोयं तस्स अंतराइयं० १ पुच्छा। गोयमा ! जस्स णं गोयं तस्स अंतराइयं सिय अस्थि सिय नत्थि, जस्स पुण अंतराइयं तस्स गोयं नियमा अस्थि ७।
[सु.५९-६१. जीप-चउत्रीसदंडय-सिद्धेसु पोग्गलि-पोग्गलवत्तव्यया] ५
५९. [१] जीवे णं भंते ! किं पोग्गली, पोग्गले १ गोयमा ! जीवे पोग्गली वि, पोग्गले वि।
[२] से केणटेणं भंते ! एवं वुच्चइ 'जीवे पोग्गली वि पोग्गले वि' ? गोयमा ! से जहानामए छत्तेणं छत्ती, दंडेणं दंडी, घडेणं घडी, पडेणं पडी, करेणं करी एवामेव गोयमा ! जीवे वि सोइंदिय-चक्खिदिय-घाणिदिय- १० जिभिदिय-फासिंदियाई पडुच पोग्गली, जीवं पडुच्च पोग्गले, से तेणटेणं गोयमा ! एवं वुच्चइ 'जीवे पोग्गली वि पोग्गले वि'।
६०. [१] नेरइए णं भंते ! किं पोग्गली० १ एवं चेव ।
[२] एवं जाव वेमाणिए। नवरं जस्स जइ इंदियाइं तस्स तइ भाणियवाई।
६१. [१] सिद्धे णं भंते ! किं पोग्गली, पोग्गले १ गोयमा ! नो पोग्गली, पोग्गले।
[२] से केणटेणं भंते ! एवं वुच्चइ जाव पोग्गले १ गोयमा ! जीवं पडुच्च, से तेणद्वेणं गोयमा ! एवं वुच्चइ 'सिद्धे नो पोग्गली, पोग्गले'। सेवं भंते ! सेवं भंते ति।
अट्ठमसए दसमो॥ ८.१०॥ समत्तं अट्ठमं सयं ॥ ८॥
१. “पोग्गली वित्ति पुद्गलाः-श्रोत्रादिरूपा विद्यन्ते यस्यासौ पुद्गली" अवृ० ॥ २. “पोग्गले वि त्ति पुद्गल इति सज्ञा जीवस्य, ततस्तद्योगात् पुद्गल इति" अवृ०॥