Agam 05 Ang 05 Bhagvati Vyakhya Prajnapti Sutra Part 01

Author(s): Bechardas Doshi, Amrutlal Bhojak
Publisher: Mahavir Jain Vidyalay

Page 511

४५२
विवाहपण्णत्तिसुत्तं
[स० ९ ४०.३३
१०. तं णं सा देवाणंदा माहणी पहाया जाव अप्पमहग्घाभरणालं - कियसरीरा बहूहिं खुज्जाहिं चिलाइयाहिं जाव अंतेउराओ निग्गच्छति; अंतेउराओ निग्गच्छित्ता जेणेव बाहिरिया उवट्ठाणसाला, जेणेव धम्मिए जाणप्पवरे तेणेव उवागच्छइ, तेणेव उवागच्छित्ता जाव धम्मियं जाणप्पवरं दुरूढा ।
११. तए णं से उसभदत्ते माहणे देवाणंदाए माहणीए सद्धिं धम्मियं जाणप्पवरं दुरूढे समाणे णियगपरियालसंपरिवुडे माहणकुंडग्गामं नगरं मज्झंमज्झेणं निग्गच्छइ, निग्गच्छित्ता जेणेव बहुसालए चेइए तेणेव उवागच्छइ, तेणेव उवागच्छित्ता छत्तादीए तित्थकरातिसए पासइ, २ धम्मियं जाणप्पवरं ठवेइ, ठवेत्ता धम्मियाओ जाणप्पवराओ पञ्चोरुहइ, २ समणं भगवं महावीरं पंचविण १० अभिगमेणं अभिगच्छति, तं जहा – सचित्ताणं दव्वाणं विओसरणयाए एवं जहा बिइयसए (स० २ उ० ५ सु० १४ ) जाव तिविहाए पज्जुवासणाए पज्जुवासइ ।
१२. तए णं सा देवाणंदा माहणी धम्मियाओ जाणप्पवराओ पचोरुहइ०, पच्चोरुहिता बहुयाहिं खुज्जाहिं जाव महतरगवंदपरिक्खित्ता समणं भगवं महावीरं पंचविहेणं अभिगमेणं अभिगच्छइ, तं जहा – सचित्ताणं दव्वाणं विओसरणयाए १ अचित्ताणं दव्वाणं अविमोयणयाए २ विणयोणयाए गायलट्ठीए ३ चक्खुफासे अंजलिपग्गहेणं ४ मणस्स एगत्तीभावकरणेणं ५ । जेणेव समणे भगवं महावीरे तेणेव उवागच्छइ, तेणेव उवागच्छित्ता समणं भगवं महावीरं तिक्खुत्तो आयाहिणं
१५
१. " तए णं सा देवाणंदा माहणी इत्यादि । इह च स्थाने वाचनान्तरे देवानन्दावर्णक एवं दृश्यते -' अंतो अंतेउरंसि व्हाया कयबलिकम्मा कयकोउयमंगलपायच्छित्ता वरपादपत्तनेउरमणिमेहलाहाररइयउचियकडगखुड्डा गएगावली कंठसुत्त उरत्थगेवेजसो णिसुत्तगणाणामणिरयणभूसणविराइयंगी चीर्णसुयवत्थपवरपरिहिया दुगुल्लसुकुमाल उत्तरिज्जा सव्वोजयसुरभिकुसुमवरियसिरया वरचंदणवंदिया वराभरणभूसियंगी कालागुरुधूवधूविया सिरीसमाणवेसा' । इतः प्रकृतवाचना अनुखियते 'खुजाहिं' ति" अवृ० ॥ २. “ चिलाइयाहिं ति चिलातदेशोत्पन्नाभिः " अवृ० ॥ ३. “ यावत्करणादिदं दृश्यम् - वामणियाहिं वडहियाहिं बब्बरियाहिं पओसियाहिं ईसिगणियाहिं वासगणियाहिं जोण्हि(‘जोणि 'प्रत्य० ) याहिं पल्हवियाहिं ल्हासियाहिं लउसियाहिं आरबीहिं दमिलाहिं सिंहली हिं पुलिंदीहिं पक्कणीहिं बहलीहिं मुरुंडीहिं सबरीहिं पारसी हिं नाणादेसिविदेसपरिपिंडियाहिं सदेसने वत्थगहियवेसाहिं इंगियचिंतियपत्थियवियाणियाहिं कुसलाहिं विणीयाहिं, युक्ता इति गम्यते । चेडियाचक्कवालवरिसधर-थेरकंचुइज्ज- महतरयवंदपरिक्खित्ता । इह च सर्व वाचनान्तरे साक्षाद् वास्ति" अवृ० । अत्र वृत्तिपाठे 'नाणादेसिविदेस ० ' स्थाने 'नाणादेसविदेस० ' पाठस्तद्वयाख्या च वर्तते, किन्तु प्राचीनतमप्रतिषु 'नाणादेसि० ' इत्येतदनुसारी पाठस्तद्वयाख्या चोपलभ्यते । उपलभ्यते चायं वृत्तिनिर्दिष्टो वाचनान्तरगतः पाठः ला १ प्रतौ अन्यासु च सूत्रप्रतिषु क्वचित् पाठभेदेन मूलवाचनापाठत्वेन ॥