Agam 05 Ang 05 Bhagvati Vyakhya Prajnapti Sutra Part 01

Author(s): Bechardas Doshi, Amrutlal Bhojak
Publisher: Mahavir Jain Vidyalay

Page 537

४७८ वियाहपण्णत्तिसुतं
[स०९ उ० ३३ जमालिं चेव अणगारं उवसंपज्जित्ताणं विहरति । तत्थ णं जे ते समणा निग्गंथा जमालिस्स अणगारस्स एयमढे णो सद्दहंति णो पत्तियंतिणो रोयति ते णं जमालिस्स अणगारस्स अंतियाओ कोट्टयाओ चेइयाओ पडिनिक्खमंति, पडिनिक्खमित्ता पुवाणुपुर्दिवं चरमाणा गामाणुगामं दूइज्जमाणा जेणेव चंपानयरी जेणेव पुण्णभद्दे चेइए जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो आयाहिणं पयाहिणं करेंति, करित्ता वंदंति णमंसंति, २ समणं भगवं महावीरं उवसंपज्जित्ताणं विहरति ।
[सु. ९८. चंपाए भगवंतसमीवागयस्स जमालिस्स
अप्पाणमुद्दिस्स केवलित्तपरूषणं] ९८. तए णं से जमाली अणगारे अन्नया कयाइ ताओ रोगायंकाओ विप्पमुक्के हेढे जाए अरोए बलियसरीरे सावत्थीओ नयरीओ कोट्ठयाओ चेइयाओ पडिनिक्खमइ, पडिनिक्खमित्ता पुव्वाणुपुट्विं चरमाणे गामाणुगामं दूइजमाणे जेणेव चंपा नयरी जेणेव पुण्णभद्दे चेइए जेणेव समणे भगवं महावीरे तेणेव
उवागच्छइ, उवागच्छित्ता समणस्स भगवओ महावीरस्स अदूरसामंते ठिचा समणं १५ भगवं महावीरं एवं वयासी-जहा णं देवाणुप्पियाणं बहवे अंतेवासी समणा
निग्गंथा छउमत्था भवेत्ता छउमत्थावक्कमणेणं अवकंता, णो खलु अहं तहा छउमत्थे भवित्ता छउमत्थावक्कमणेणं अवकंते, अहं णं उप्पन्नणाण-दसणधरे अरहा जिणे केवली भवित्ता केवलिअवक्कमणेणं अवक्ते ।
[सु. ९९-१०२. गोयमकयपण्हनिरुत्तरस्स भगवंतकयसमाहाणमसद्दहतस्स - य जमालिस्स मरणं लंतयदेवकिब्बिसिएसु उपपाओ य]
. ९९. तए णं भगवं गोयमे जमालिं अणगारं एवं वयासि-णो खलु जमाली ! केवलिस्स णाणे वा दंसणे वा सेलंसि वा थंभंसि वा थूभंसि वा आवरिजइ वा णिवारिजइ वा । जइ णं तुम जमाली! उप्पन्नणाण-दसणधरे अरहा
जिणे केवली भवित्ता केवलिअवक्कमणेणं अवकंते तो णं इमाइं दो वागरणाइं वागरेहि, २५ 'सासए लोए जमाली! असासए लोए जमाली ! १ सासए जीवे जमाली !
असासए जीवे जमाली ! ?'
१. हटे तुढे जाए मु० ॥ २. अवक्कमिए मु० ॥