________________
૧૦
-
બની ચૂક્યાં હતાં. આથી ઘણાં વર્ષો પછી અમદાવાદ પધારતા આ મહાપુરુષના દર્શન આદિ માટે અનેક વિદ્વાનો, ભટ્ટો, વાદીઓ, યાચકો, ચારણો વગેરે ટોળે મળીને સામે આવવા લાગ્યા. તેઓશ્રીએ અમદાવાદ નગરમાં પ્રવેશ કર્યો ત્યારે જૈન સંઘ આદિ વિશાળ મેદનીએ તેઓશ્રીનું સ્વાગત કર્યું. જૈન સંઘ આદિ વિશાળ માનવમેદનીથી પરિવરેલા તેઓશ્રી સ્વગુરુ આદિ સહિત નાગપુરી (નાગોરી) ધર્મશાળામાં પધાર્યા. ગુજરાતના સૂબા મહોબતખાને તેઓશ્રીની પ્રશંસા. સાંભળી. આથી તે સૂબાને તેઓશ્રીની વિદ્યા જાણવાની ઉત્કંઠા થઈ. તેના નિમંત્રણથી તેઓશ્રીએ રાજદરબારમાં અઢાર અવધાનો કરી બતાવ્યાં. સૂબાએ ખુશ થઈ તેઓશ્રીની બુદ્ધિના વખાણ કર્યા, રાજશાહી આડંબરથી તેઓશ્રીને તેમના સ્થાને લઈ જવામાં આવ્યા.
વીસસ્થાનક તપ અને ઉપાધ્યાયપદ - ત્યાર બાદ તેઓશ્રીએ અનેક ગ્રંથોની રચના કરી. સમય જતાં અમદાવાદના સંઘે ગચ્છનાયક આચાર્યશ્રી વિજયદેવસૂરીશ્વરજી મહારાજ સમક્ષ શ્રી યશોવિજય મહારાજને ઉપાધ્યાયપદે સ્થાપવા આગ્રહભરી વિનંતિ કરી. આ દરમિયાન તેઓશ્રીએ વીસસ્થાનક ઓળીનો તપ શરૂ કર્યો. આ તપમાં શ્રી જયસોમવિજયજી આદિ મુનિઓએ તેમની સેવા કરી. વિધિપૂર્વક તપની આરાધના પૂર્ણ થતાં ગચ્છનાયક શ્રી વિજયદેવસૂરીશ્વરજી મ.ના પટ્ટધર શ્રી વિજયપ્રભસૂરિજીએ વિ. સં. ૧૭૧૮માં તેઓશ્રીને ઉપાધ્યાય પદ આપ્યું.
અનેક બિરુદો - આ વખતે જૈનધર્મમાં ચોરાશી ગચ્છો હતા. આ બધા ગચ્છોમાં તેઓશ્રીની અસાધારણ વિદ્વાન તરીકે પ્રસિદ્ધિ હતી. વિદ્વાનોમાં તેઓશ્રી “લઘુ હરિભદ્ર, ન્યાયાચાર્ય, ન્યાયવિશારદ, કૂર્ચાલીશારદ, સૂરગુરુ, તાર્કિક” આદિ અનેક બિરુદોથી અલંકૃત બન્યા. કાશીમાં વિદ્યાભ્યાસ દરમિયાન તેઓશ્રીએ મહાપંડિતોથી પણ અજેય એક સંન્યાસીને વાદમાં જીતી લીધો. આથી કાશીના રાજાએ તથા બધા પંડિતોએ મળીને તેમને “ન્યાયવિશારદ” બિરુદ અપર્ણ કર્યું હતું. તેઓશ્રીએ ન્યાયના સો ગ્રંથોની રચના કરી ત્યારે તે ગ્રંથોને જોઇને પ્રસન્ન બનેલા ભટ્ટાચાર્યોએ મળીને તેઓશ્રીને “ન્યાયાચાર્ય” બિરુદ આપ્યું હતું.
સરસ્વતીમંત્રની સાધના - મહોપાધ્યાય શ્રીયશોવિજયજી મહારાજે કાશીમાં વિદ્યાભ્યાસ દરમિયાન ગંગા નદીના કિનારે પદના જાપથી સરસ્વતી દેવીની સાધના કરી હતી. (એ સરસ્વતીનો મંત્ર છે.) આથી તેઓશ્રીને કઠીન ગ્રંથોના અભ્યાસ માટે અને નવીન ગ્રંથોની રચના માટે સરસ્વતી દેવીની કૃપા
