________________
વાણીનો સિદ્ધાંત
૨૪
વાણીનો સિદ્ધાંત
એ ભાંભરડે તો ય એ બોલે જ છે. એ આપણને સમજણ ના પડે. એક કૂતરું ભસે તો એને સામું કૂતરું સમજી જાય. ‘હમણે આલી દઈશ” કહે ને, એટલે પેલું પાછું જતું રહે.
પ્રશ્નકર્તા : એટલે બે કૂતરા એકબીજા વાત કરી લે. દાદાશ્રી : એ સમજી લે, બધું પહોંચી જાય. સહુ સહુની ભાષા હોય
ય યંત્ર જ ભર્યું છે. આમાં ચેતને કશું કાર્ય કર્યું નથી. એટલે મિકેનિકલ જ બોલે છે એ. મશીનરી છે એ.
પ્રશ્નકર્તા : આ બધું મશીનરી જ છે, તે સિવાય બીજું કશું છે જ નહીં ?
દાદાશ્રી : બધું મશીનરી જ છે. આ દાળ-ભાત-રોટલી મહીં નાખશો તો આ ચાલશે. નહીં તો બે-ચાર દહાડા બંધ કરી દો જોઈએ. એક કલાક નાક બંધ કરી દો જોઈએ.
પ્રશ્નકર્તા : મશીનરી બંધ થઈ જાય.
દાદાશ્રી : ત્યારે આ મશીનરી છે. સમજાય છે થોડું ઘણું, હું શું કહેવા માગું છું તે ? તમને સમજાય એવું, તો આગળ વાતચીત કરીએ.
પ્રશ્નકર્તા : બરાબર છે.
દાદાશ્રી : આટલી વારમાં સમજાઈ ગયું ? આ વાણી એ ‘ટેપરેકર્ડ” છે એવું જ્યારે સમજાય ને, ત્યારે કલ્યાણ થઈ જાય.
બોલે ટેપરેકર્ડ, જીવમાત્રમાં ! આ ઓરિજિનલ ટેપરેકર્ડ મારા એકલામાં હશે કે તમારા બધામાં ? પ્રશ્નકર્તા : બધામાં.
દાદાશ્રી : હા, બધામાં હાજર છે. આ માણસો ગીત ગાય છે, તે ય ટેપરેકર્ડ છે.
પ્રશ્નકર્તા : જન્મ વખતે બાળક રડે છે, તે શું કહેવાય ?
દાદાશ્રી : એ ય ટેપરેકર્ડ છે. હવે, આ માણસો એકલામાં જ ટેપરેકર્ડ હશે કે આ જાનવરમાં હઉ ? જાનવરમાં પણ ઓરિજિનલ ટેપરેકર્ડ છે. આ ગાયો-ભેંસો બોલે છે તે ય ટેપરેકર્ડ છે. નહીં તો ત્યાં એને કોણ શીખવાડવા ગયું હતું ? એની મા શીખવાડતી હશે એવું ? ના. ટેપરેકર્ડ જ છે. એક ફેરો સાંભળી એટલે ટેપરેકર્ડ એની ચાલુ થઈ જાય.
પ્રશ્નકર્તા : એટલે બધાં પ્રાણીઓ પોતપોતાની ભાષા વ્યક્ત કરીને પહોંચાડી દે ?
દાદાશ્રી : સમજે જ બધા. એનાં બચ્ચાં જોડે ય વ્યવહાર ચાલે ને ! આ વાંદરીનાં બચ્ચાં હોય, તે વાંદરી બોલે એટલે પેલા સમજી જાય બધા. આપણે બોલીએ ને સામો માણસ સમજી જાય, એવું એ સમજે. આપણે કહીએ ‘બાબા અહીં આવ.' તો એ બીજું કહે, એ પ્રમાણે.
આ કૂતરું ભસે છે ને, તે ય ટેપરેકર્ડ છે. નહીં તો આવડા નાના બચ્ચાને ભસતા ક્યાંથી આવડે ? એટલે કુરકુરિયાનું ય ટેપ થયેલું. કુરકુરિયું એની મા ભસે ત્યારે ભસે. મા ભસે છે તે ઘડીએ ગાળો ભાંડે છે, એટલે કુરકુરિયું હઉ ગાળો ભાંડે. હવે એ આપણને સમજાય નહીં. એટલે આપણે એમ જાણીએ કે આ ભસે છે. પણ એ તો ગાળો ભાંડતું હોય. કો'ક ફેરો ખુશમાં આવ્યો હોય ત્યારે ‘ટીટ, ટીટ’ બોલ્યા કરે. ભસે ખરું, પણ ખુશમાં બોલે, મસ્તીમાં બોલે. એટલે પ્રેમનું ભસે છે, તે ય આપણને ખબર પડે કે આ આવું પ્રેમનું ભસે છે. પછી ગુસ્સાનું ભસે, તે ય ખબર પડે, નહીં ?
પ્રશ્નકર્તા : હા, ખરું.
દાદાશ્રી : કૂતરું ભસવાનું શરૂઆત કરે, ત્યાંથી એન્ડ થાય ત્યાં સુધી મેઝર જોવામાં આવે તો જુદી જુદી જાતનું હોય. ડાઉન આવે, ઉપર ચઢે, જુદી જાતનું હોય. એ કંઈ કહી રહ્યો છે. હસતો જાય ને ભસે, એવું ય બને. ચીઢાયો હોય ને ભસે, તે ય જુદું. દુ:ખમાં હોય ને ભસે તે ય જુદું હોય. આંખમાં પાણી નીકળતું હોય ને ભસે, તે ય જુદું હોય. શું કરે
