________________
૪૪) સર્વગુણ સંપન્નતાઃ
પ્રશ્નઃ હે ભગવન્! સર્વગુણ સંપન્નતાથી જીવને શું લાભ થાય?
ઉત્તરઃ કેવળજ્ઞાન, કેવળદર્શન અને પૂર્ણ યથાખ્યાત ચારિત્ર આ ત્રણ ગુણ પરિપૂર્ણ થાય ત્યારે આત્મા સર્વગુણ સંપન્ન થાય અને ત્યારે આત્મા અપુનરાવૃત્તિ પદ પ્રાપ્ત કરે છે અર્થાત્ મોક્ષ પદ પ્રાપ્ત કરે છે.
૪૫) વીતરાગતાઃ
પ્રશ્નઃ હે ભગવન્! વીતરાગતાથી જીવને શું લાભ થાય?
ઉત્તરઃ વીતરાગતાથી પુત્ર પરિવાર આદિનો રાગ નષ્ટ થાય છે, તેમજ સચિત્ત, અચિત્ત, મિશ્ર દ્રવ્યાદિ વિષયક તૃષ્ણાનો ક્ષય થાય છે. સંસારના સર્વ પ્રકારના અનર્થોનું મૂળ રાગ છે. રાગ દૂર થાય તે પહેલા દ્વેષનો નાશ થઇ ગયો હોય છે. વીતરાગતાથી મનોજ્ઞની આસક્તિ અને અમનોજ્ઞના સંક્લેશથી જીવ મુક્ત થઇ જાય છે.
૪૬) ક્ષમાઃ
પ્રશ્નઃ હે ભગવન્! ક્ષમા ધારણ કરવાથી જીવને શું લાભ થાય?
ઉત્તરઃ ક્ષમા દ્વારા સાધકની માનસિક ક્ષમતા વધતી જાય છે. ક્ષમા દ્વારા ક્રોધ પણ જીતાઇ જાય છે. ક્ષમાધારક સાધક પરિષહ-વિજેતા બની જાય છે.
1
૪૭) નિર્લોભતાઃ
પ્રશ્નઃ હે ભગવન્! નિર્લોભતાથી જીવને શું લાભ થાય?
ઉત્તરઃ નિર્લોભતાનું પરિણામ છે અકિંચનતા, પરિગ્રહ-શુન્યતા. નિર્લોભી પુરુષ પરિગ્રહ રહિત બની જાય છે તેથી તેને ધનલોભી વ્યક્તિઓ તરફથી કષ્ટ સહન કરવું પડતું નથી.
૪૮) સરળતાઃ
પ્રશ્નઃ હે ભગવન્! સરળતાથી જીવને શું લાભ થાય?
૧૩૫
